Memleket basshysy Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn Qazaq onkologıa jáne radıologıa ǵylymı-zertteý ınstıtýtynyń ujymy da jan-jaqty talqylady.
Alqaly jıyndy Amanat partıasynyń Almaly aýdandyq fılıaly uıymdastyryp, oǵan Almaty qalasy máslıhatynyń depýtaty Ásıa Aqanova, Amanat partıasy Almaly aýdandyq fılıalynyń partıalyq baqylaý komısıasynyń tóraǵasy, «KazComfort» JSHS dırektory Mahambet Asabaev jáne dárigerler qatysty. Aq halattylar Joldaýda aýqymdy máselelerdiń qamtylǵanyn aıta kelip, onda densaýlyq salasyna erekshe kóńil bólingenin atap ótti.
– Memleket basshysy óz Joldaýynda ult áleýetin arttyrýda sheshýshi ról atqaratyn densaýlyq salasyn damytý máselesine erekshe toqtaldy. Mańyzdy qujatta elimizdegi 650 eldi mekende emdeý mekemesiniń joq ekendigi, aldaǵy eki jylda bul aýyldarda medısınalyq jáne feldsherlik-akýsherlik bólimsheler salynatyny, qajetti qural-jabdyqpen tolyq qamtamasyz etiletini aıtyldy. Bul álbette, shalǵaı aýyldardaǵy halyqtyń densaýlyǵyn túzeýge úlken qamqorlyq. Iaǵnı bir mıllıonnan astam adamnyń alǵashqy medısınalyq-sanıtarlyq kómek alýyna múmkindik jasalady degen sóz. Jalpy, medısına salasyna megapolısti damytýǵa baǵyttalǵan Almaty qalasynyń 2025 jylǵa deıingi damytý baǵdarlamasy jáne 2030 jylǵa deıingi orta merzimdi perspektıvalary jónindegi qalalyq máslıhattyń sesıasynda erekshe nazar aýdarylǵan, – dedi máslıhat depýtaty Ásıa Aqanova.
Jıynda aqjeleń kıgen abzal jandar Memleket basshysy Joldaýynyń mindetterin talqylap, aldaǵy ýaqytta osy qadamdar boıynsha atqarylatyn jumystar júzege asatynyna senim bildirdi.