Densaýlyq myqty bolsa, adamı kapıtal sapasy da artady
Almaty qalasynyń ákimi Baqytjan Saǵyntaevtyń 25 maýsymdaǵy tikeleı efırde ótken brıfıńine qala turǵyndary pikir bildirip jatyr. Solardyń biri «Almaty Stýdentter Alánsy» QF basshysy Jasulan BOSTANDYQULY, dep habarlady Almaty-akshamy.kz.
«Keshe ǵana Almaty qalasynyń ákimi Baqytjan Ábdirulynyń tikeleı efırde halyq aldyna shyǵyp, ózindik esep berýi, sonymen qatar halyq kókeıindegi kóptegen suraqtarǵa jaýap berý brıfıńin kórdik. Bul negizinen Prezıdentimiz Qasym-Jomart Kemelulynyń "Halyq únine qulaq asatyn memleket" tujyrymdamasy negizinde júzege asyryldy. Keshe bir ashyq dıalog alańy boldy. Eldiń kókeıinde júrgen suraqtardyń birshamasy qoıyldy. Bul brıfıńti tikeleı efırde áleýmettik jelide baqyladym. Aıtylǵandardyń ishinde, Almaty qalasy ákimdigi tarapynan kórsetilip jatqan áleýmettik kómekke toqtalǵym kep tur. Bizde qalada jasalyp jatqan áleýmettik kómektiń barlyǵy tikeleı halyqtyń suranysyna, muń-muqtajyna baǵyttalǵan. Onyń ishinde, atap ótetin bolsaq, turǵyndarǵa «úı sertıfıkattaryn» tabystaý «Baqytty otbasy» baǵdarlamasy negizinde halyqtyń osal toptaryna, atap aıtar bolsaq, kóp balaly otbasy, múgedek jandar, jetim balalarǵa qaıtarymsyz negizde 1 mln. teńge jarna berýi – bul úlken kezek kúttirmes másele. Sebebi, búginde baspana kez kelgen Qazaqstan azamatynyń ózekti máselesiniń biri. Oǵan bastapqy jarna quıý, aqsha jınaý degen syndy dúnıelerdiń barlyǵy qıyndyq týdyrady. Al osy tusty ákimdik tarapynan berilip otyrǵan 1 mln. teńge halyqqa óz kezeginde úlken múmkindik berip otyr. Brıfıńte qarastyrylǵan taǵy bir másele – jedel járdem qyzmetkerlerin qoldaý. Qazir álemdik ahýal – pandemıa jaǵdaıy bizdiń dárigerlerdiń qanshalyqty mańyzdy adam ekenin kórsetti. Bul ýaqytqa deıin de dárigerlerge basa kóńil bólinip keldi, al myna pandemıa jaǵdaıynda biz dárigerlerdi odan saıyn qurmetteı tústik. Bul kisilerge ártúrli ústemaqy men marapattaý degen syndy dúnıelerdiń barlyǵy – bul dárigerler úshin qýantarlyq jaǵdaı. Sebebi, ózderiniń mańyzdy tulǵa ekenin seziný arqyly óz jumystaryn odan ári qulshyna isteıdi. Kórsetilip jatqan kómekter dáriger statýsynyń kóterilýine septigin tıgizedi. Bizde adamı kapıtal sapasynyń negizgi kórsetkishteriniń biri – bul densaýlyq saqtaý salasy bolyp tabylady. Iaǵnı adamı kapıtal sapasy adamnyń densaýlyǵy jaqsy bolǵan jaǵdaıda ósedi. Osy turǵyda ákimdik tarapynan kórsetilip jatqan kómekter dárigerlerdi yntalandyrady dep oılaımyn», - dedi Jasulan Bostandyquly.