Almatynyń ákímí Baqytjan Saǵyntaev 25 mausym kúní Ortalyq kommunıkatsıyalar qyzmetí alańynda baspasóz máslıhatyna qatysyp, BAQ ókílderíníń san túrlí sūraqtaryna jauap beríp, qalamyzdyń damuy men ekonomıka, ekologıya, bıznes, oqu-bílím, medıtsına salasyndaǵy ózektí máseleler men atqarylǵan ísterge toqtaldy, bolashaq josparlarmen bólístí.
Megapolıs basshysynyń atqarylǵan íster jóníndegí sózín tyńdaǵan qala tūrǵyndary búgín óz oılaryn ortaǵa saldy, dep habarlaıdy Almaty-akshamy.kz.
«Almaty qalasy – alyp megapolıs jáne búkíl el ekonomıkasynyń lokomotıví sanalady. Qalanyń aldyna qoıǵan maqsaty qalanyń ortalyǵy úshín ǵana emes, búkíl shahar úshín de ózektí ekenín moıyndaımyz. Qala ortalyǵy men qala mańyndaǵy óńírler de tyǵyz baılanysty. Baqytjan Saǵyntaev Memleket basshysy QasymJomart Toqaevtyń tapsyrmasy boıynsha Almaty aglomeratsıyasynyń 4 pılottyq jobasyn íske asyru bastalǵanyn jetkízdí. Qatelespesem, olarǵa ekologıyalyq jaǵdaıdy jaqsartu, kólík júıesín damytu jáne kólík modelín ázírleu, tótenshe jaǵdaı táuekelderín azaıtu, shaǵyn jáne orta bıznestí damytu kíredí. Būlardy qaı jaǵynan alyp qarasańyz da, árqaısysynyń óz mańyzdylyǵy bar árí onyń bárí qalany damytu úshín kerek», -dedí M.O. Áuezov atyndaǵy Ádebıet jáne óner ınstıtutynyń dırektory.
«Dál qazír koronavırus kezeńíníń barlyq qıyndyǵyna qaramastan, qalada tūraqty áleumettík-ekonomıkalyq jaǵdaıdyń qamtamasyz etíluí mańyzdy. Būl turaly qala ákímí naqty aıtyp óttí. Áleumettík sayasat, eń aldymen, halyqtyń osal toptaryn qoldauǵa baǵyttalǵan. Sondaı-aq, ol qala bılígí qalanyń sáulettík kelbetín jaqsartuǵa bel buǵanyn alǵa tartty. Árıne, būl rette qala tūrǵyndarynyń píkírí eskeríledí. Óıtkení, Almaty kárí men jastyń esínde ártúrlí saqtalǵan. Úlken kísíler úshín shahardyń ótkení qūndy.
Bílím salasyna engízíletín ózgeríster de quantty. Qalamyzda halyqaralyq dárejedegí oqu oryndaryn ashamyz degení de jaqsy jańalyq. Sebebí, jastarymyz sapaly bílím ízdep shetel aspaıtyn boldy. Aınalyp kelgende, mūnyń barlyǵy qala tūrǵyndarynyń ál-auqatynyń artyp, ūlttyq mádenıetíníń marqayuyna túp- tıyanaq bolady dep senemíz», -deıdí Kenjehan Matyjanov.