Almaty ákiminiń orynbasary Á.Núsipova Almaty qalasy búdjetin talqylaý barysynda dárilik zattardy bólýge 39 178,72 teńge somasynda ótinimdi qoldaýdy surady, dep habarlaıdy Almaty-aksamy.kz.
Bul jaıynda qala ákimi Erbolat Dosaevtyń qatysýmen ótken máslıhat sesıasynda Almaty qalasynyń 2023-2025 jyldarǵa arnalǵan búdjet jobasyn qaraý barysynda aıtyldy, dep habarlaıdy Almaty-akshamy.kz.
Almaty qalasy qoǵamdyq densaýlyq saqtaý basqarmasynyń málimeti boıynsha, «Halyq densaýlyǵy jáne densaýlyq saqtaý júıesi týraly» Kodekstiń 12-baby 1-tarmaǵynyń 5) tarmaqshasyna sáıkes, jergilikti ókildi organdar Qazaqstan Respýblıkasy azamattarynyń jekelegen sanattaryna ambýlatorıalyq emdeý kezinde tegin jáne (nemese) jeńildikti sharttarmen tegin medısınalyq kómektiń kepildik berilgen kólemin, onyń ishinde dárilik zattardy, arnaıy emdik ónimderdi, medısınalyq buıymdardy qosymsha berý týraly sheshim qabyldaıdy.
Osyǵan baılanysty tegin ambýlatorıalyq emdeý kezinde Almaty qalasynda tirkelgen Qazaqstan Respýblıkasy azamattarynyń jekelegen sanattaryna azamattardy tegin medısınalyq kómektiń, onyń ishinde dárilik zattardyń, mamandandyrylǵan emdeý ónimderiniń, medısınalyq buıymdardyń qosymsha kepildendirilgen kólemimen qamtamasyz etý maqsatynda Almaty qalasy máslıhaty sheshiminiń jobasy ázirlendi.
Joǵaryda aıtylǵandardy eskere otyryp, muqtaj pasıentterdi mynadaı dárilik zattarmen qamtamasyz etý qajet:
- «Immýnoglobýlın, 10%-tik kóktamyr ishine egýge arnalǵan eritindi, 50 ml», nozologıalyq toptaǵy Vıskot-Oldrıch sındromy bar balalar úshin;
- «Omalızýmab 150 mg», bronh demikpesi, alergıalyq komponenti basym, aýyr jaǵdaıdaǵy 4 pasıent úshin;
- «Selýmentınıb kapsýlasy 10 mg», neırofıbromatoz nozologıasy bar 2 pasıent úshin.
Sondaı-aq «Omalızýmab» dárilik zaty Densaýlyq saqtaý mınıstrliginiń 2014 jylǵy 5 mamyrdaǵy № 6 «Eresekterdegi bronh demikpesin» klınıkalyq emdeý men dıagnostıkalaý hattamasyna kiredi.
Sonymen qatar Neırofıbromatoz nozologıasy boıynsha «Selýmentınıb» dárilik zaty Densaýlyq saqtaý mınıstriniń 2020 jylǵy 20 qazandaǵy № QR DSM-142/2020 buıryǵymen bekitilgen orfandyq aýrýlar men olardy emdeýge arnalǵan dárilik zattardyń (orfandyq) tizbesine kiredi.
Vıskott-Oldrıch sındromy (WAS) - mıkrotrombosıtopenıa, ekzema, ınfeksıalar jáne aýtoımmýndy kórinister men qaterli isikterdiń damý qaýpiniń joǵarylaýymen sıpattalatyn bastapqy ımýnıtet tapshylyǵy. WAS-pen aýyrý deńgeıi 100 000 tiri týylǵan nárestege shaqqanda 1 jaǵdaıdan az dep baǵalanady.
Almaty qalasy máslıhatynyń sheshimi bekitilgennen keıin basqarma joǵaryda atalǵan dárilik zattardy 2023 jylǵa satyp alýdy josparlap otyr.