Ákim orynbasary óz usynystaryn aıtty.
Almaty ákiminiń orynbasary Asqar Ámrın qoǵamdyq kóliktiń jumysyn qalaı arttyrýǵa bolatynyn aıtty, dep habarlaıdy Almaty-akshamy.kz.
Óz usynystaryn Asqar Ámrın Almatynyń qalasynyń 2023-2025 jyldarǵa arnalǵan búdjet jobasyn qaraý barysynda aıtty.
Onyń aıtýynsha, qalalyq jer ústindegi qoǵamdyq kóliktiń úzdiksiz jumys isteýin qamtamasyz etý maqsatynda memlekettik-jekeshelik áriptestik shartynyń qoldanylý merzimin 2023 jyldan 2027 jylǵa deıin qosymsha 5 jylǵa uzartý jáne memlekettik mindettemelerdi 2,8 mlrd. teńgege ulǵaıtý usynylady.
«Osyǵan baılanysty «Qoǵamdyq kólikti dıspecherleý» jobasy boıynsha memlekettik mindettemelerdi qabyldaý týraly» Almaty qalasy máslıhatynyń sheshimine ózgeris engizý týraly» máslıhat sheshiminiń jobasyn qoldaýdy suraımyz», - dedi Asqar Ámrın.