Batys jáne ońtústik oblystarynda kún ashyq jáne ystyq.
Sınoptıkter Qazaqstanda 2022 jyldyń 27-29 tamyzyna arnalǵan aýa raıy boljamyn usyndy, dep habarlaıdy Almaty-akshamy.kz.
Respýblıkanyń batys jáne ońtústik oblystarynda kún ashyq jáne ystyq aýa raıy saqtalady. Respýblıkanyń qalǵan bóliginde aýa raıy atmosferalyq frontaldy bólikterden qalyptasady.
«Jańbyr jaýyp, kún kúrkirep, jel kúsheıedi, soltústikte, shyǵysta, ortalyqta túnde jáne tańerteń topyraq betinde úsik kútiledi», - delingen «Qazgıdromet» RMK taratqan aqparatta.
Qazaqstannyń batysynda kúndizgi aýa temperatýrasy +31+39°S shamasynda saqtalady. Soltústik-batysta +23+34°S; soltústikte aýa temperatýrasynyń +17+22°S-tan +20+25°S-qa deıin shamaly kóterilýi kútilýde;
respýblıkanyń ortalyǵynda aýa temperatýrasy +23+31°S-tan +18+28°S-qa deıin aýytqıdy dep kútilýde; shyǵysta +20+30°S-tan +13+23°S-qa deıin tómendeıdi; ońtústikte aýa temperatýrasynyń negizgi fony +25+37°S;
ońtústik-shyǵysta +20+32°S.