Almaty qalasynyń ákimdigi men «QazaqGaz» UK» AQ gaz jáne gaz motorly otyn salasyndaǵy yntymaqtastyq týraly ózara memorandým jasady, dep habarlaıdy Almaty-akshamy.kz.
Qazaqstan Respýblıkasy Úkimetiniń 2018 jylǵy 29 qarashadaǵy № 797 qaýlysyn oryndaý aıasynda atalǵan qujatqa qala basshysy Erbolat Dosaev pen «QazaqGaz» UK» AQ Basqarma Tóraǵasy Sanjar Jarkeshov qol qoıdy.
Kelisim ulttyq kompanıanyń 2023 jylǵy ekinshi toqsanda úsh avtomobıldik gaz toltyrý kompresorlyq stansıasyn (AGTKS) salýdy jáne syǵymdalǵan tabıǵı gazdy (STG) úzdiksiz jetkizýdi qamtamasyz etýdi qarastyrǵan. Almaty ákimdigi óz tarapynan gazben júretin avtobýstar sanyn 880-den 1200 birlikke deıin arttyrýdy jáne AGTKS qurylysy aıaqtalǵannan keıin avtobýstardy gazǵa aýystyrý boıynsha jumysty jalǵastyrýdy josparlaýda.
Tabıǵı gazdy motor otyny retinde paıdalanýdy keńeıtý atmosferaǵa shyǵatyn zalaldy zattardy azaıtýǵa jáne qaladaǵy ekologıalyq jaǵdaıdy jaqsartýǵa múmkindik beredi. Syǵymdalǵan tabıǵı gazdyń (STG) artyqshylyǵy onyń ekologıalyq tazalyǵynda ári baǵasynyń qoljetimdiliginde – STG dızel otynyna qaraǵanda eki ese arzan.
Kezdesý barysynda qaladaǵy aýa sapasyn jaqsartý maqsatynda taraptar energetıkalyq keshen men gazben jabdyqtaýdy damytý boıynsha kelisimge qol jetkizdi.