«Qazgıdromet» sınoptıkteri 17-19 maýsym kúnderine arnalǵan aýa raıy boljamyn jarıalady.
Boljam boıynsha, demalys kúnderi Qazaqstan aýmaǵynda ońtústik sıklon jáne atmosferalyq front aýa raıyna áser etedi, dep habarlaıdy Almaty-akshamy.kz.
Elimizdiń basym bóliginde naızaǵaı oınap, ekpindi jel soǵady, burshaq jaýýy múmkin. 18 maýsymda batysta, 18-19 maýsymda respýblıkanyń soltústik-batysynda jáne soltústiginde qatty jańbyr jaýyp, Qazaqstannyń ońtústiginde shańdy daýyl soǵady dep kútiledi. Respýblıkanyń shyǵysynda aýa raıy jaýyn-shashynsyz.
Táýliktik aýa temperatýrasy batysta 20-28 gradýsqa deıin, soltústik-batysta 13-26 gradýsqa deıin, soltústikte 17-27 gradýsqa deıin, soltústik-shyǵysta 30-37 gradýsqa deıin ystyq bolady. Respýblıkanyń ortalyǵynda, ońtústik oblystarda temperatýra aıtarlyqtaı ózgermeıdi.