Úndistannyń Goa shtatyndaǵy kýrorttyq aımaqta 79 jastaǵy brıtanıalyq týrıske buqa shabýyl jasaǵan. Oqys oqıǵa bıyl 4 qańtarda bolǵan, - dep habarlaıdy almaty-akshamy.kz.
Zardap shekken týrıs, 79 jastaǵy brıtanıalyq Ivon Morrısh oqıǵanyń mán-jaıyn baıandap berdi. Aıtýynsha, 2 qańtarda ol Goaǵa kelip, Benaýlım qonaqúıine jaıǵasqan. Demalysynyń ár kúnin jaǵajaıdaǵy serýenmen bastap júrgen ol 4 qańtarda oqys oqıǵaǵa tap bolǵan. Belgili bolǵandaı, jaǵajaıda jaıylyp júrgen buqaǵa ıt shabýyl jasap, saldarynan buqa oıqastap júgire jónelgen.
Ókinishke qaraı, ashýǵa býlyqqan buqa aldynan kezikken Morrıshtiń sanyn súzip ótken. Saldarynan ol ońbaı qulap, aıaǵy men basyn jaraqattap alady. Basylym atap ótkendeı, qutqarýshylardyń biri týrısi arashalap almaq bolyp júrip, buqaǵa ózi de soqtyǵysqan kórinedi. Degenmen qutqarýshynyń qazirgi jaǵdaıy belgisiz.
Kýágerler jaqyn mańdaǵy dámhana qyzmetkerleriniń kómegimen jedel járdem shaqyrtqan. Al jergilikti turǵyndar týrısi jaǵajaıdan basty jolǵa jetkizip bergen. Sóıtip jedel járdem qyzmeti ony Ońtústik Goa aýdandyq aýrýhanasyna jatqyzǵan.
Kolva polısıasynyń basshysy Sandesh Gadker aýrýhanaǵa baryp, zardap shekke týrısiń jaǵdaıyn bildi. Qazir polısıa týrısi súzip tastaǵan buqa ıesin izdestirip jatyr.