DDSU tirkegen vaksınalar satyp alynady
Dúnıejúzilik densaýlyq saqtaý uıymy tirkegen vaksınalardy satyp alý jedeldetiledi. Bul týraly Úkimet otyrysynda QR Ulttyq ekonomıka mınıstri Áset Erǵalıev málim etti, dep habarlaıdy Almaty-akshamy.kz Coronavirus2020.kz-ke cilteme jasap.
Ulttyq ekonomıka mınıstrdiń dereginshe, Prezıdent Joldaýyn iske asyrý jalpyulttyq josparynyń ekinshi baǵytynda segiz is-sharany iske asyrý kózdelgen.
Dálirek aıtsaq, Dúnıejúzilik densaýlyq saqtaý uıymy tirkegen vaksınalardy satyp alý jedeldetiledi. Medısınalyq buıymdarǵa zerthanalyq jáne tehnıkalyq synaqtar júrgizý ortalyǵyn qurý kózdeledi.
«Deni saý ult» ulttyq jobasy aıasynda keminde 12 sanıtarlyq-epıdemıologıalyq saraptama zerthanasy joǵary tehnologıalyq jabdyqpen qamtamasyz etiledi. Otandyq taýar óndirýshilermen offteık-kelisimsharttardyń kólemi men nomenklatýrasy keńeıtiletin bolady», - dedi Áset Erǵalıev.