Chılı bıligi jasy 6-dan asqan balalarǵa Qytaıdyń «Sınovak» kompanıasy shyǵarǵan «Koronavak» vaksınasyn salady, dep habarlaıdy almaty-akshamy.kz
Mundaı sheshim Latyn Amerıka elderinde alǵash ret qabyldandy. Jańa sharany talqylaǵan jergilikti Halyq densaýlyǵy ınstıtýtynda 6 mamannyń bireýi qarsy bolyp, qalǵany qoldap, daýys bergen.
Endi Densaýlyq saqtaý mınıstrligi vaksınalaýdyń bastalatyn kúni men tártibin aıqyndaýy tıis. Chılı qazirge deıin eresek turǵyndardyń 75 paıyzyna vaksına salyp úlgergen. «Sınovak» ekpesi synalǵan zertteýge 3 pen 17 jas aralyǵyndaǵy 4 myń bala qatysqan.
Aıta keteıik, AQSH, Kanada, Sıngapýr jáne Gonkong 12 jastaǵy balalarǵa «Faızer» preparatyn qoldanýǵa ruqsat bergen bolatyn.