Almaty qalasynyń ortalyq komýnıkasıalar qyzmetinde saǵat: 16:30-17:15 arasynda «Referendýmda Almaty turǵyndarynyń daýys berý barysyn baqylaý týraly» OFLAIN-brıfıng ótti.
Jıynǵa Almaty qalasy boıynsha Baqylaýshylar kapıtany, «Qoǵamdyq joba» QB dırektory Aleksandr Bratenkov jáne Qazaqstan franchaızıń qaýymdastyǵynyń prezıdenti, qoǵam qaıratkeri Beknur Qısyqov qatysty.
Brıfıgte eki erli-zaıypty jandardyń birdeı daýys berý ornynan qalaısha tabylyp qalǵandyǵyn túsindirdi.
– Biz bul arada bir nárseni túsinýimiz kerek. Iaǵnı daýys berý barysynda eki birdeı adamnyń saılaý ýchaskesiniń jasyryn bólmesinen tabylýynyń óz máni bar. Dálirek aıtqanda, olardyń bireýi zaǵıp jan eken. Sondyqtan kómektesýge bolady dep bilemiz. Bul jerde óreskel qatelik joq dep bilemiz, – A.Bratenkov.
Sonymen qatar baqylaýshylardyń kásibıligine toqtalyp, referendýmdaǵy olardyń is-áreketi týraly aıtty.
– Baqylaýshylarǵa qoıylatyn talap kúshtirek bolýy kerek. Eger olar kásibı-biliktilik jaǵynan myqty bolsa, óz isiniń sheberi bolsa, ótkizilip otyrǵan referendýmnyń mánin tereńirek uǵynsa, basqalarda bul sharanyń mánin uǵyna túsedi dep oılaımyz, – B.Qısyqov.
Shara barysynda osy referendým arqyly elimizde ıgi bastamalar júzege asyp, ekonomıkalyq-áleýmettik jaǵdaı damý sabaqtastyǵyn tabady degen oılar aıtyldy.