Belgili akter, Almaty qalasynyń turǵyny Asanáli Áshimov Shymkent qalasyndaǵy №231 saılaý ýchaskesinde daýys berdi. Elimizdiń ońtústiginde issaparda júrgen kınojuldyz jubaıymen birge daýys berýge bardy.
«Referendým - halyq úshin, el úshin ótip jatqan úlken saıası naýqan. Halqymyzdyń ál-aýqaty jaqsaryp, bilimge degen umtylysy artyp, óner, ǵylym men mádenıettiń órkendeýi úshin óz daýysymdy berip otyrmyz. Óner, ǵylym, bilim óspeı, halyq óspeıdi. Prezıdentimiz bul máseleni halyqqa keńinen túsindirip, oń bastamalardy qolǵa aldy. Ýaqyt óte kele oń ózgeristerdiń mol bolatynyna senimdimin molynan bolar dep senemiz. Biz qashan da jaqsylyqtyń jaǵyndamyz!», - dedi akter.