Almatyda ótken «Data jýrnalısıka jáne jasandy ıntellekt» festıvali jýrnalısıka salasynyń ókilderin jınap, jańa tehnologıalar men zamanaýı trendterdi talqylady, dep habarlaıdy aqshamnews.kz.
SDU asıstent profesory jáne “Minber” qoǵamdyq qorynyń jetekshisi, medıatrener Esengúl Kápqyzy jýrnalısıkanyń jańa trendteri men jasandy ıntellekt quraldarynyń mańyzdylyǵyn atap ótti. Onyń pikirinshe, zamanaýı jýrnalısıkada jańa tehnologıalardy ıgerý óte mańyzdy.
Asqat Erkimbaı, INTERNEWS KAZAKHSTAN uıymynyń medıa eksperti jáne SDU data jýrnalısıka oqytýshysy «Jýrnalıs jasandy ıntellekt quraldaryn qalaı qoldana alady? Datany bilýdiń mańyzy» taqyrybynda arnaıy sabaq ótkizdi. Ol jýrnalıserge derekterdi tıimdi paıdalaný joldaryn kórsete otyryp, jańa tehnologıalardyń aqparat jınaýdaǵy rólin atap ótti.
Factcheck.kz ókili Janserik Tileýhan «JI paıdalanǵan kontentterdi anyqtaý joldary» taqyrybynda túsinik berip, jasandy ıntellektpen jumys istegende nazar aýdarý kerek máselelerdi baıandady. Onyń pikirinshe, kontenttiń shynaıylyǵyn anyqtaý jýrnalıser úshin mańyzdy daǵdy bolýy tıis.
Medıatrener, SDU jýrnalısıka mektebiniń aǵa oqytýshysy, Azattyq radıosynyń tilshisi Elnur Alımova «Jasandy ıntellekt jáne medıa etıka» taqyrybyn qozǵap, jańa tehnologıalardyń jýrnalısıkadaǵy etıkalyq aspektilerin talqylady. Ol medıa salasynda etıkalyq normalardy saqtaýdyń mańyzdylyǵyn atap ótti.
Bul festıvál jýrnalıserge zamanaýı tehnologıalardy ıgerýge jáne jýrnalısıkanyń jańa trendterine daıyn bolýǵa yqpal etti. Data jýrnalısıkasy men jasandy ıntellekttiń tıimdi qoldanylýy aqparattyq qoǵamda básekege qabiletti bolýǵa kómektesedi.