İshki ister mınıstri Erjan Sadenov Almaty oblysy Polısıa departamentiniń basshy quramymen 2024 jyldyń toǵyz aıyndaǵy jedel qyzmettiń qorytyndylary boıynsha keńes ótkizdi. Keńes barysynda mınıstr Polısıa departamentiniń jańa basshysyn tanystyrdy, dep habarlaıdy aqshamnews.kz
QR Prezıdenti Ákimshiliginiń kelisimimen jáne İshki ister mınıstriniń buıryǵymen Almaty oblysy Polısıa departamentiniń bastyǵy laýazymyna polısıa polkovnıgi Meıram Ábikeev taǵaıyndaldy. Buǵan deıin ol Soltústik Qazaqstan oblysy Polısıa departamenti bastyǵynyń orynbasary qyzmetin atqarǵan. Sonymen qatar, Polısıa departamenti bastyǵynyń birinshi orynbasary bolyp Baǵdat Áshimov taǵaıyndaldy.
İshki ister mınıstriniń buıryǵymen kelesi laýazymdy tulǵalar qyzmetinen bosatyldy:
- PD bastyǵynyń birinshi orynbasary Serik Shalharov;
- Talǵar aýdandyq polısıa basqarmasynyń bastyǵy Nurjan Kúntúnov;
- PD ekstremızmge qarsy is-qımyl basqarmasynyń bastyǵy Ulan Baıtaqov;
- PD krımınaldyq polısıa basqarmasynyń bastyǵy Rýslan Smaǵulov;
- PD uıymdasqan qylmysqa qarsy kúres basqarmasynyń bastyǵy Dýlat Qaıyr jáne onyń orynbasary Janat Omarov.
Keńes qorytyndysy boıynsha mınıstr óńirdegi quqyqtyq tártip pen qoǵamdyq qaýipsizdikti qamtamasyz etýge baılanysty naqty tapsyrmalar berdi. Sondaı-aq, Erjan Sadenov Talǵar aýdanynda kámeletke tolmaǵan balany óltirý faktisi boıynsha tergeý jumystaryn jeke tyńdap, tergeý tobyna arnaıy tapsyrmalar júktedi.