Qazaqstan Respýblıkasy Memlekettik ortalyq mýzeıi Iran Islam Respýblıkasynyń Elshiligimen birlese otyryp «Iran tarıhy, mádenıeti jáne búgini» atty onlaın-kórmeni usyndy.
Kórmede Iran halqynyń san ǵasyrlyq tarıhy men baı mádenıetiniń ár túrli aspektilerin beıneleıtin biregeı fotomaterıaldardy jurtshylyq nazaryna usyndy. Sonymen qatar Irannyń ár túrli salalardaǵy, ıaǵnı óner, sáýlet óneri, sport pen týrızm, ekonomıka jáne t.b. salalardaǵy qazirgi jetistikterimen tanystyrdy.
Fotosýretterde Behıstýn syna jazýy, Persepolıs, Fırdoýsıdiń qabiri syndy tek ejelgi jáne qazirgi zamanǵy mádenı jáne tarıhı nysandar ǵana emes, sonymen qatar arhıtektýralyq jáne dinı qurylymdar beınelendi. Fotosýretterdiń kópshiliginde urpaqtan-urpaqqa mura bop kele jatqan Iran halqynyń dástúrli turmys-tirshiligi, mádenı rásimderi men qolóneri týraly aıtylady.
Irannyń dástúrli kostúmi men zergerlik buıymdary úlken qyzyǵýshylyq týdyrdy. Keıbir fotosýretter qazirgi Iranda turatyn túrikmender, kúrdter jáne t.b.halyqtardyń mádenıetine arnalǵan. Sondaı-aq fotokórmede Irannyń qazirgi áleýmettik-ekonomıkalyq jáne saıası damý erekshelikteri kórsetiledi.
Eki elshiliktiń birlesip daıyndaǵan kórmesi QR MOM áleýmettik jelilerdegi - facebook pen instagram paraqshalarynan tanysa alasyzdar. Anyqtama telefondary: QR SGM 264-46-50, 264-55