Qazaqstan quramasy irikteý aldynda forvardsyz qaldy, dep habarlaıdy Aqshamnews.kz tilshisi.
"Qaırat" shabýylshysy Dastan Sátpaev jaraqatyna baılanysty ulttyq quramanyń aldaǵy oqý-jattyǵý jıynyna qosylmaıdy jáne 2026 jylǵy álem chempıonatynyń qazan aıyndaǵy irikteý machtaryna da qatysa almaıdy. Jas oıynshy shap tusynan jaraqat alǵan.
Sátpaev keıingi ret 5 qazanda Premer-lıgada keıinge qalǵan oıynda "Jetisýǵa" qarsy tolyq 90 mınýt alańda bolyp, kezdesýde "Qaırat" 5:0 esebimen jeńiske jetken.
Eske salaıyq, Qazaqstan quramasy qazanda eki mańyzdy oıyn ótkizedi: 10 qazanda óz alańynda Lıhtenshteındi qabyldaıdy, 13 qazanda syrt alańda Soltústik Makedonıamen kezdesedi.