Jas jankúıer «Qaırat» klýbyndaǵy súıikti oıynshysymen kezdesken sátinen beınerolık áleýmettik jelide tarady, dep habarlaıdy Aqshamnews.kz.
«Qaırat» fýtbol klýbynyń áleýmettik jelidegi paraqshasynda taratqan málimetke súıensek, kishkentaı jankúıer qara jeıdeden jáne sary ızolentamen «Qaırattyń» qoldan jasalǵan formasynyń artyna súıikti oıynshysy Dastan Sátpaevtyń esimin jazǵan edi. Keıin sol formasyn kıip, oıyndy tamashalady.
«Onyń esimi – Yqylas. Ol Túrkistanda turady. Biz ony klýbtyń jattyǵý bazasyna shaqyrdyq. Ol jaqta bala súıikti oıynshysymen kezdesti. Dastan Sátpaev oǵan qoltańbasy bar oıyn jeıdesin syılap, sáttilik tiledi. Bul kún Yqylastyń jadynda máńgi qalady», - dep jazdy klýbtyń resmı paraqshasynda.