«Áýezov úıi» ǵylymı-mádenı ortalyǵynda M.O.Áýezov atyndaǵy Ádebıet jáne óner ınstıtýtynyń ǵylymı qyzmetkeri, PhD doktoranty, aqyn Baýyrjan Myrzaquldyń jýyrda jaryq kórgen «TOLÝNAI» jyr jınaǵy men «Qoja Ahmet Iasaýı kim?» atty tanymdyq kitabynyń tusaýkeser rásimi ótti.
Sondaı-aq jas ǵalym Baýyrjan Myrzaquldyń osy jyldyń basynda Tashkentke barǵan issaparynda tapqan Qoja Ahmet Iasaýıdiń «Qudiretnama» shyǵarmasy jáne «Sońǵy sany birdeı sandardy kóbeıtýdiń ońtaıly tásili» atty kitapshasynyń mazmuny tanystyryldy.
İs-sharany M.O.Áýezov atyndaǵy Ádebıet jáne óner ınstıtýtynyń bas dırektory, fılologıa ǵylymdarynyń doktory, QR UǴA akademıgi Matyjanov Kenjehan İslámjanuly júrgizdi.
Basqosýda «Qoja Ahmet Iasaýı kim?» kitabynyń jaryqqa shyǵýyna qarjylaı qoldaý kórsetken mesenat, «Almatymetroqurylys» AQ kompanıasynyń basshysy, kásipker Qaırat Reımov, álemdik bestseller kitaptardy qazaq tilinde sóıletip júrgen «Mazmundama» jobasynyń avtory, Garvard ýnıversıtetiniń túlegi Shyńǵys Muqan, «Baldyrǵan» jýrnalynyń aǵa tilshisi, aqyn Qul-Kerim Elemes, M.O.Áýezov atyndaǵy Ádebıet jáne óner ısnıtýtynyń bas ǵylyı qyzmetkeri, áýezovtanýshy-ǵalym Gúlzıa Piráli, Islam ǵylymı-zertteý ınstıtýtynyń dırektory, f.ǵ.k. Tóráli Qydyr ózderiniń júrekjardy lebizderin bildirdi.
M.O.Áýezov atyndaǵy Ádebıet jáne óner ınstıtýtynyń bas ǵylymı qyzmetkeri, Táýelsizdik dáýirdegi ádebıet jáne kórkem pýblısısıka bóliminiń meńgerýshisi, f.ǵ.d., Qazaqstan Jazýshylar odaǵynyń múshesi Gúljahan Orda jas aqyn B.Myrzaquldyń shyǵarmashylyǵy týraly sóz sóıledi. Al ál-Farabı atyndaǵy Qazaq ulttyq ýnıversıtetiniń túlekteri Esengeldıev Sáken men Ásipbaı Nurgeldi ánder oryndady.
Tusaýkeser rásimine Instıtýttyń ǵylymı qyzmetkerleri, belgili qalamgerler jáne stýdent jastar qatysty.
–Bizdi jastardyń ósip-ónip órkendegeni qýantady. Ǵylym men shyǵarmashylyqty qatar ustap eńbektenip júrgen Baýyrjan sıaqty jigitter qatary kóbeıe bersin. Tek eńbek etý kerek. Adam eńbektense bári bolady, – dedi M.O.Áýezov atyndaǵy Ádebıet jáne óner ınstıtýty bas dırektory K.Matyjanov.