«IýNESKO» janyndaǵy Halyqaralyq mádenıetterdi jaqyndastyrý ortalyǵy jáne M.O. Áýezov atyndaǵy Ádebıet jáne óner ınstıtýtynyń uıymdastyrýymen, «TÚRKSOI» Jazýshylar odaǵynyń qoldaýymen «OQÝǴA QUSHTAR ULTTYŃ QAITA JAŃǴYRÝY» atty VI Halyqaralyq konferensıa ótti.
Sharanyń basty maqsaty – ulttyq ádebıetterdiń dıalog arqyly damý faktorlary men álemdik mádenıetterdiń jaqyndasýyn jáne osy úderisterdiń HHİ ǵasyrdaǵy kitap oqıtyn ulttyń jańǵyrýyna yqpalyn zertteý.
Halyqaralyq konferensıaǵa ıdeıa avtory, belgili jazýshy, qoǵam qaıratkeri Oljas Omaruly Súleımenov arnaıy qatysyp, qazirgi qoǵamdaǵy ózekti máseleler, tarıhymyzdaǵy túrli kezeńder týrasynda sóz sóıledi.
Sharanyń plenarlyq otyrysyn - M.O.Áýezov atyndaǵy Ádebıet jáne óner ınstıtýty Halyqaralyq qatynastar jáne álem ádebıeti bóliminiń meńgerýshisi, fılologıa ǵylymdarynyń kandıdaty Svetlana Vıktorovna ANANEVA, «Oqıtyn ulttyń jańǵyrý faktorlary» atty seksıa májilisin M.O. Áýezov atyndaǵy Ádebıet jáne óner ınstıtýtynyń Bas dırektory, QR UǴA akademıgi, fılologıa ǵylymdarynyń doktory Kenjehan İslámjanuly MATYJANOV, «Ádebıettiń qoǵamdaǵy orny men bolashaǵy» atty bólimin «TÚRKSOI» Jazýshylar odaǵynyń tóraǵasy Ulyqbek ESDÁÝLET júrgizdi.
Konferensıada QR Mádenıet jáne aqparat mınıstriniń, Qazaqstannyń IýNESKO janyndaǵy turaqty ókildiginiń, Túrki akademıasynyń, Reseı Jazýshylar jáne Baspagerler odaqtarynyń qaýymdastyǵynyń, Reseı kınematografıster odaǵynyń, Belarýs Ulttyq kitaphanasy, Ózbekstan Ulttyq kitaphanasynyń quttyqtaý hattary oqyldy. Sonymen qatar Qazaqstannyń Halyq jazýshysy Muhtar Maǵaýınnen kelgen arnaıy hat tabystaldy.
III bólimniń turǵan alqaly jıynǵa Túrkıa, Reseı, Azerbaıjan, Ózbekstan, Qyrǵyzstan elderiniń memleket jáne qoǵam qaıratkerleri, jazýshylary men ǵalymdary arnaıy kelip, tómendegi taqyryptar aıasynda baıandama jasady:
- Tarıhty tereń túsinýdegi tarıhı jáne kórkem ádebı shyǵarmalardyń alatyn orny;
- Ǵylym, bilim jáne oqý mádenıeti: bolashaq urpaq máselesi;
- Mádenıetter arasyndaǵy baılanys: oqyrman ulttyń qaıta jańǵyrýy jáne t.b. ózekti máseleler qozǵaldy.
Konferensıa barysynda M.O. Áýezov atyndaǵy Ádebıet jáne óner ınstıtýtynyń Bas dırektory, QR UǴA akademıgi, fılologıa ǵylymdarynyń doktory Kenjehan İslámjanuly Matyjanov, Ázerbaıjannyń Halyq jazýshysy, Memleket qaıratkeri, fılologıa ǵylymdarynyń doktory Elmıra Ahýndova, «TÚRKSOI» Jazýshylar Odaǵynyń tóraǵasy, QR Memlekettik syılyǵynyń ıegeri Ulyqbek Esdáýlet «Oljas Súleımenov atyndaǵy «Halyqtar Dostyǵy» ordenimen marapattaldy.
