Instıtýt dárigerleri almatylyqtardy 09:00 men 13:00 aralyǵynda qabyldaıdy
9 jeltoqsan, senbi kúni saǵat 09:00-den bastap 13:00-ge deıin Almatydaǵy Qazaq onkologıa jáne radıologıa ǵylymı-zertteý ınstıtýty asqazan, uıqy bezi men baýyr obyryn erte bastan asqyndyrmaı anyqtaý maqsatynda tegin profılaktıkalyq tekserýler júrgizedi, dep habarlaıdy almaty-akshamy.kz ınstıtýttyń baspasóz qyzmetine silteme jasap.
Tekserýden ótýge nıetti adamdar ózimen birge jeke kýáligin ala barýy kerek.
"Jaqyndaryńyzdy densaýlyǵy mazalap júrse, qaratyp alýǵa bolady. Tekserilý qajet dep tapsańyz, ınstıtýttyń abdomınaldy onkolog dárigerleri sizdi tegin qabyldaıdy. Ózińizben birge jeke kýálik bolýy kerek", – delingen habarlamada.
Mekenjaıy: Almaty qalasy, Abaı dańǵyly, 91 (Ortalyq stadıonǵa qarama-qarsy).