Solardyń biri «táýligine bir ret bolsa da sorpa ishý» kerek dep sanaıtyndar az emes. Tamaqtaný rasıonyna kelgende adamdardyń kóbi suıyq tamaq, naqtyraq aıtqanda sorpa ishken paıdalyraq dep sanaıdy. Buny joqqa shyǵarýdan aýlaqpyz. Degenmen, dárigerler bul – qatyp qalǵan zańdylyq emes ekenin aıtady, dep habarlaıdy Almaty-akshamy.kz.
«Bul mıf bizge bala kezden tanys. Sorpa arqyly ıá, biz talshyq alamyz, biz sý alamyz, biraq eger siz talshyq pen sýdy basqa jolmen alsańyz, onda sorpa ishpeı-aq qoıǵanda turǵan eshteńe joq. Biz buqtyrylǵan taǵamdy nemese basqa taǵamdy jep, artynan sý nemese basqa bir suıyqtyq ishsek, asqazanda bizdiń aǵzamyzǵa qajet sorpa bar dep sanaı berýge bolady», - dedi gastroenterolog Valerıa Antúfeeva Reseıdiń Birinshi arnasynyń «Qaıyrly tań» baǵdarlamasynda.
Ekinshi mıf – ary-beri ótken saıyn, az-azdan jıi tamaqtaný. Basqasha aıtqanda, tiskebasarlardy jeı berý. Kópshilik munyń densaýlyq úshin zıanyn aıtsa, dáriger mundaı ádettiń paıdaly tusy da baryn aıtty.
«Dárigerler ót dıskınezıasy kezinde ót tolyp qalǵanda, onyń jumysyn jaqsartý úshin jıi tamaqtanýdy usynady, óttiń «jalqaýlanbaı» jáne jaman ót irkilisiniń syrtqa shyǵarý úshin aýyzdyń tynbaǵany da jaqsy», – dedi maman.
Dárigerler az-azdan jıi tamaqtaný úshin sýsyndar, jemister-jıdekter men kógónister tutynýdy usynady.