Bes aıda menıngokok ınfeksıasynyń tek 11 jaǵdaıy anyqtaldy
Qazaqstan dárigerleri qajylyqqa nıettengen azamattardy sapar aldynda menıngokok ınfeksıasyna qarsy ekpe alýǵa shaqyrdy, dep habarlaıdy Almaty-akshamy.kz QazAqparatqa silteme jasap.
Málim etilgendeı, qajylyqtan oralǵandardyń atalǵan indetti elge ákelý qaýpi bar.
2020 jáne 2021 jyldary kishi jáne úlken qajylyqqa nıettengender koronavırýs pandemıasynan bul rásimdi oryndaýdan bas tartýǵa májbúr boldy.
Sanıtarıalyq-epıdemıologıalyq saraptama jáne monıtorıń ǵylymı-praktıkalyq ortalyǵynyń dırektory Aınagúl Qýatbaevanyń aıtýynsha, menıngokok juqpasynyń órshýi 2000 jyly boldy. Ol ýaqytta qajylyqqa barǵan 18 eldiń azamattarynan jáne olardyń jaqyndarynan menıngokok ınfeksıasynyń 400-den astam oqıǵasy anyqtaldy.
«2018 jyly elde menıngokok ınfeksıasy tirkeldi. Onda resmı statısıka boıynsha 96 adam indet juqtyrdy, onyń 45-i – 18 jasqa deıingi balalar. Iaǵnı qajy tek óziniń densaýlyǵyna emes, sonymen birge otbasynyń, dostarynyń, áriptesteriniń, týystarynyń densaýlyǵyna da qaýip tóndiredi. Qajylyqqa baratyn er adamdar arasynda ınfeksıa juqtyrý 86% deıin jetedi»,- dedi dáriger.
Spıkerdiń sózinshe, bıyl epıdemıologıalyq ahýal qolaıly. Bes aıda menıngokok ınfeksıasynyń tek 11 jaǵdaıy anyqtaldy.
2006 jyldan beri Qazaqstan musylmandary dinı basqarmasy men Saýd Arabıasynyń Qajylyq mınıstrligi arasynda kelisim bar. Oǵan sáıkes qajylar elden shyqpas buryn mindetti túrde menıngokokqa qarsy ekpe alýy tıis. 2022 jyly vaksınasıany elimizdiń segiz óńirinde – Atyraý, Jambyl, Qaraǵandy, Qyzylorda, Mańǵystaý oblystarynda, sondaı-aq Nur-Sultan, Almaty jáne Shymkent qalalarynda júrgizý josparlanǵan.
Aıta keteıik, bul ınfeksıaǵa qarsy ekpe aqyly, quny 26 – 46 myń teńge aralyǵynda.
Qajylyqqa barýǵa COVID-19 qarsy vaksınalanǵan 65 jasqa deıingi adamdarǵa ruqsat etiledi.
Eske salaıyq, bıyl Saýd Arabıasy elimizden 3 myń adamǵa qajylyq paryzdy óteýge ruqsat bergenin jazǵan bolatynbyz.
QR Mádenıet jáne sport mınıstrliginiń málimetine sáıkes, 3 myń kvota konkýrs talaptaryna sáıkes kelgen 14 týroperator arasynda bólindi.