Pyshaq júrektiń sol jaq qarynshasyna jáne sol jaq ókpeniń tamyryna tıgen.
Naýqas jaraqattanǵannan keıin 5-7 mınýt ishinde qannyń jartysynan kóbinen aıyrylǵan, aýrýhanaǵa es-tússiz, nóldik qysymmen túsken, dep habarlaıdy Almaty-akshamy.kz
Densaýlyq saqtaý mınıstrliginiń málimetinshe, Jambyl oblysy Sarysý aýdandyq ortalyq aýrýhanasynyń hırýrgtary keýde qýysynyń pyshaq jaraqatymen túsken 23 jastaǵy jigittiń ómirin saqtap qalǵan.
"Pasıent túngi úshter shamasynda jetkizildi, dereý operasıaǵa alyndy. Meniń hırýrgıadaǵy 36 jyldyq jumysymda mundaı jaǵdaılar bolǵan", - deıdi aýdandyq aýrýhananyń hırýrgıa bóliminiń meńgerýshisi Qaırat Ájibekov.
Operasıa 1 saǵat 20 mınýtqa sozylǵan. Dárigerler naýqastyń keýde qýysyn ashyp, jaranyń ornyn tikken. Mundaı jaraqattyń kúrdeliligi – operasıa jáne jarany tigý júrektiń soǵýyn toqtatpaı jumys isteıtin júrekke jasalady.
Otadan keıin qan ketý toqtap, gemodınamıka qalpyna keldi.
"Hırýrgtar Qaırat Ájibekov, Erjan Dosalıev jáne anestezıolog-reanımatolog dáriger Dáýren Ábdirov jasaǵan operasıa sátti ótti. Pasıenttiń ómirine tóngen qaýip joıyldy. Onyń jaǵdaıy turaqtaldy", - dep málimdedi mınıstrliktegiler.