1 mamyrdan bastap medısına qyzmetkerleriniń kásibı mindetteri jeńildetildi, dep habarlaıdy Almaty-akshamy.kz
"Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly" zań zańdyq jáne qarjylyq qorǵaý júıesin engizýge jáne medısına qyzmetkerleriniń jaýapkershiligin arttyrýǵa baǵyttalǵan.
Medısınalyq nemese farmasevtıkalyq qyzmetkerdiń kásibı mindetterin oryndamaǵany jáne tıisinshe oryndamaǵany úshin, eger bul áreketter abaısyzda adam densaýlyǵyna ortasha aýyrlyqtaǵy zıan keltirýge ákep soqsa, 100 AEK (369 200 teńge) deıingi mólsherde aıyppul tóleıdi, ne bolmasa sol mólsherde túzeý jumystary, ne qoǵamdyq jumystarǵa jegiledi. Ne bolmasa 100 saǵat nemese 30 táýlikke deıin qamaýǵa alý jazasy qoldanylady.
Eger abaısyzda naýqastyń densaýlyǵyna aýyr zıan keltirilse, 2000 AEK (7 384 000 teńge) deıingi mólsherde aıyppul salýǵa, ne sol mólsherde túzeý jumystaryna, ne bolmasa eki jylǵa deıingi merzimge bas bostandyǵyn shekteýge nemese bas bostandyǵynan aıyrý jazasy taǵaıyndalady.
Eger medısına qyzmetkerleriniń is-áreketteri abaısyzda adamnyń ólimine ákep soqtyrsa, onda tórt jylǵa deıingi merzimge bas bostandyǵyn shekteý, eki nemese odan da kóp adamnyń qaıtys bolýy - alty jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý kózdelgen.