Bul qaıyrymdylyq aksıasyna qaladaǵy 18 kompanıa atsalysty.
Almaty assambleıasy men bıznes ókilderi Petropavlǵa gýmanıtarlyq kómek jiberdi, dep habarlaıdy Almaty-akshamy.kz
Qazaqstan halqynyń birligi kúni Almatynyń etnomádenı birlestikteri merekeni toılap qana qoımaı, aıtýly kúni ıgi iske atsalysty. Almaty QHA gýmanıtarlyq kómekti jınaý jónindegi shtabynyń bastamasymen tabıǵı apattan zardap shekkenderge 25 tonna gýmkómek jınaldy. Igi iske respýblıkalyq jáne qalalyq etnomádenı birlestikter qatysty. Qajetti jabdyqtar salynǵan júk kóligi Petropavl qalasyna bet aldy. Oǵan azyq-túlik, balalar men eresekterge arnalǵan jyly kıim, aıaq kıim, tósek-oryn, dári-dármekter, matrastar men jastyqtar, qurylys materıaldary kirdi.
Almatylyq bıznes ókilderi Petropavlǵa 20 tonna gýmantarlyq kómek jiberdi. Qaıyrymdylyq aksıasyna megapolıstiń 18 kompanıasy qatysty. Jóneltilgen júktiń ishinde shatyrlar, shamdar, jańbyrǵa arnalǵan jamylǵylar, arnaıy kıimder men aıaq kıimder, kúrekter, aýyz sý jáne ózge de qajetti zattar bar.