Búgin Úkimet otyrysynda Densaýlyq saqtaý mınıstri Ajar Ǵınıat Memleket basshysynyń VIII saılanǵan Parlament Májilisiniń birinshi sesıasynyń ashylýynda bergen medısınalyq ınfraqurylymdy jaqsartý qajettiligi týraly tapsyrmasyn iske asyrý týraly baıandady.
Memleket basshysynyń tapsyrmasy boıynsha Qazaqstan Respýblıkasy Densaýlyq saqtaý mınıstrligi «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» Zań jobasyn ázirledi,-dep habarlaıdy Almaty-akshamy.kz Nege.kz-ke silteme jasap.
«Zań jobasynda medısınalyq jáne farmasevtıkalyq qyzmetkerlerdiń kásibı mindetterin tıisinshe oryndamaǵany úshin qylmystyq quqyq buzýshylyqtardy izgilendirý jáne QR Qylmystyq kodeksiniń 317-babynyń sanksıalyq sharalaryn tómendetý jónindegi normalar usynyldy», - dedi Ajar Ǵınıat.
Medısına qyzmetkerleriniń kásibı jaýapkershiligine qatysty usynylǵan model jáne olar mindetin tıisti atqarmaǵan jaǵdaıda jazany jeńildetý aldymen azamattardyń quqyǵyn qorǵaýǵa baǵyttalady. Medısınalyq qyzmetterdi alý kezinde densaýlyqqa keltirilgen zıandy óteý, sol sıaqty medısına qyzmetkerleriniń jeke jáne qarjylyq quqyǵyn qorǵaýdyń múmkindigi artady. Odan bólek, medısına salasynan bilikti mamandardyń ketýin azaıtýǵa baǵyttalyp otyr.