Qalta urlyǵyn jasady degen kúdikpen eki er adam ustaldy.
63 jastaǵy I.esimdi azamat jáne 34 jastaǵy B.esimdi azamat kúdikke ilindi, dep habarlaıdy Almaty-akshamy.kz Polisia.kz-ke silteme jasap.
Aldyn ala boljam boıynsha kúdiktiler 205-baǵyttaǵy qoǵamdyq kólikte qylmys jasaǵan: olar jolaýshynyń kúrtesiniń qaltasynan IPhone telefonyn urlap, jábirlenýshige 200 myń teńge kóleminde materıaldyq shyǵyn keltirgen.
«Ustaý is-sharasyn arnaıy top músheleri Medeý aýdandyq polısıa basqarmasynyń jedel ýákilderimen birlesip júrgizdi. Tintý kezinde ustalǵandardyń birinen Huawei telefony tárkilendi, ol da urlanǵan bolýy múmkin. Sondaı-aq ustalǵandardyń qalanyń basqa da aýdandarynda buryn jasalǵan osyǵan uqsas basqa da qylmysqa qatysy bar-joǵy anyqtalyp jatyr. Eki kúdikti de ýaqytsha ustaý ızolátoryna qamaldy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Aıtpaqshy, buryn ekeýi de múliktik qylmys jasaǵany úshin birneshe ret qylmystyq jaýapkershilikke tartylǵan. Atalǵan derek boıynsha sotqa deıingi tergeý bastaldy. Qylmystyq is boıynsha basqa da málimetter QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.