Almatyda Pfizer vaksınasyn alýǵa nıet bildirýshiler sany artýda
Bul týraly №7 emhananyń bas dárigeriniń orynbasary Nurbol Jumabekov brıfıń barysynda aıtty, dep habarlaıdy Almaty-akshamy.kz Soronavirus2020.kz-ke silteme jasap
Spıkerdiń sózinshe, Almatyda kún saıyn 132 vaksınasıa pýnkti, onyń ishinde №7 qalalyq emhananyń ekpe salý bólmesi jumys isteıdi.
«Biz vaksınalaýdyń jaqsy qarqynyna jettik. Jalpy, jasóspirimderdiń, júkti áıelder men bala emizetin analardyń belsendiligi qýantady. Naýqan bastalǵannan beri bizdiń emhanada 324 adam ekpe aldy, onyń ishinde 11 júkti áıel, 31 bala emizetin ana 282 jasóspirim bar. Biz «Komırnatı» Pfizer preparatynyń tıimdiligi 95%-dy quraıtynyn aıtyp otyrmyz», - dedi Nurbol Jumabekov.
Sonymen qatar, ol Almatynyń Bostandyq aýdanyna barlyǵy Pfizer óndirgen vaksınanyń 2 016 dozasy bólingenin, qazirdiń ózinde 1 386 adam egilgenin aıtty.
«Árbir egý pýnktinde qaýipsizdiktiń qatań normalary, atap aıtqanda temperatýralyq rejım saqtalady. Vaksına alǵan kezde birinshi kezekte pasıentti tekserý júzege asyrylady, onyń barysynda anamnez alynady. Sondaı-aq, dárigerler ótken aýrýlar týraly suraıdy.Temperatýrany, qysymdy ólsheý, jutqynshaqty tekserý tikeleı júrgiziledi. Sonymen qatar, dárigerler vaksınalanǵan adamǵa nemese onyń ata-anasyna saýalnama júrgizedi. Al júkti áıelderdi vaksınasıalaý kezinde merzimderdi belgileý qajet»,- deıdi dáriger.
Spıker «Komırnatıdiń» bir qutysy 6 adamǵa eseptelgenin jáne alty saǵattan aspaý kerek ekenin eske saldy. Nurbol Jumabekov vaksınasıaǵa tirkeý orny arqyly aldyn ala jazylýǵa keńes berdi. №7 emhananyń bas dárigeriniń orynbasary vaksınalaý naýqany bastalǵannan beri vaksınalanǵandardyń arasynda 1-2 kún ishinde ıneksıa ornynda temperatýranyń shamaly kóterilýi men aýyrsynýdy qospaǵanda, eleýli janama áserler baıqalmaǵanyn aıtty.
«Ineksıa salynǵan jerge úsh kún boıy sý tıgizýge jáne fızıkalyq belsendilik tanytýǵa, vanaǵa túsýge bolmaıdy. Eger jaısyz seziný baıqalsa óz dárigerińizge nemese ekpe salǵan dárigerge habarlasqan jón»,- deıdi ol.