Jeke basyn rastaıtyn qujaty joq 14 azamat anyqtaldy
Kóshi-qon polısıasy qyzmetkerleri eshbir qujatsyz júrgen, onyń ishinde áli kúnge deıin KSSRO qujatymen júrgen adamdardy anyqtaý maqsatynda birshama jumystar atqaryp keledi, dep habarlaıdy Almaty-akshamy.kz Polisia.kz-ke silteme jasap.
«Belgili bolǵandaı, azamattar qoldarynda eshqandaı qujat bolmaǵandyqtan biraz memlekettik qyzmetterdi, onyń ishinde densaýlyq saqtaý, bilim alý, áleýmettik kómek, zeınetaqy sıaqty qyzmet túrlerin múldem ala almaıdy. Jáne eshqaıda zańdy túrde jumysqa ornalsa almaıtyndyǵy belgili. Mundaı tulǵalardy áshkereleý ońaıǵa túspeıdi. Sebebi ondaı azamattardyń azamattyǵyn anyqtap, jeke tólqujat rásimdeý úshin birshama ýaqyt kerek. Alǵash ret jeke kýálik alatyn azamattar 1974 jyly berilgen pasport negizinde jeke kýálik rásimdep, Qazaqstan Respýblıkasynyń azamaty retinde tanylady. Jyl basynan beri tek qana bizdiń aýdan boıynsha jeke basyn anyqtaý kýáligi joq 14 azamat anyqtaldy», – dep habarlady Almaty qalasy Túrkisib aýdandyq Polısıa basqarmasynyń bastyǵy Erkin Amantaev.
Qujatsyz júrgen azamattardyń biri – 1965 jyly týylǵan Beıbit Hasenov. Ol KSSRO pasporty negizinde QR-nyń jeke kýáligin rásimdedi. 5 qarasha kúni daıyn qujatty qolyna aldy.
«Bul azamattyń ómir tarıhy basqa da qujatsyz júrgen azamattar sıaqty. Shyǵys Qazaqstan oblysynyń týmasy KSSRO qujatyn aýystyrý úshin qajet qujattardy daıyndap, biraq belgisiz sebeptermen rásimdeýdi aıaqtamaǵan. Árkimge jaldanyp, eńbek etken. Almaty qalasynda turyp, İİO-na qujat rásimdeýge ótinish berip, barlyq kerekti anyqtamalar jınaǵannan keıin tólqujat aldy. Ókinishke oraı, áli kúnge deıin qujatsyz júrgen azamattardyń basym kópshiliginiń turmystyq jaǵdaıy óte tómen deńgeıde. Osy oraıda biz qujatsyz júrgen azamattardy turǵylyqty mekenjaılary boıynsha kóshi-qon polısıasyna qujat rásimdeý úshin ótinish berýlerin suraımyz», – dedi Amantaev.