Qazaqstanǵa dári-dármektiń 83%-y shetelden keledi
Elimizdegi dári-dármek pen medısınalyq qural-jabdyqtyń 17%-y ǵana otandyq ónim. Memleket basshysynyń Úkimet aldyna qoıǵan tapsyrmasy boıynsha ony aldaǵy úsh jylda 50%-ǵa jetkizý kerek, dep habarlaıdy Almaty-akshamy.kz Almaty.tv-ǵa silteme jasap.
Qazir elde otandyq taýar óndirýshilerdiń úlesi 21-22%. Kórsetkishti arttyrý úshin olarmen «SK-Farmasıa» arqyly 10 jyldyq kelisimshart jasalǵan. Demek, atalǵan kompanıa osy aralyqta taýar óndirýshi dári-dármegin shyǵarady. Sóıtip memleket esebinen ony birneshe jyl boıy satyp alýǵa mindetteledi deıdi.
«Iaǵnı, otandyq taýar óndirýshilerge ózi shyǵarǵan dári-dármek kólemin memleketke satyp, óndirisin odan ári damytýǵa múmkindik beredi. DSM-men osyndaı mehanızm engizilgen jáne ol sońǵy jyldary óziniń óte jaqsy nátıjelerin kórsetýde. Sonyń arqasynda elimizdi, pasıentterdi otandyq dári-dármekpen qamtamasyz etip jatyrmyz», - deıdi QR DSM dári-dármek saıasaty departamentiniń dırektory Baýyrjan Júsipov.
Mınıstrlik ókili taǵy bir tyń aqparatyn bólisti. Elimizde «QAZBIOFARM» holdıńi qurylady. Onyń quramyna ulttyq medısınalyq ortalyqtar kiredi. Maqsaty – otandyq dári-dármekti, ásirese otandyq ǵalymdar oılap tapqan vaksınany shyǵarý boıynsha jumysty jandandyrý.
«Prezıdent tapsyrmasyna saıkes arnaıy holdıń qurylyp jatyr. Oǵan da birshama mindet júkteldi. Holdıń otandyq dári-dármekti, bizdiń ǵalymdar oılap tapqan vaksınany shyǵarý boıynsha sharalar júrgizedi», - dep málimdedi B. Júsipov.
Prezıdent tapsyrmasyna sáıkes eldegi dári-dármek óndirisin 50 paıyzǵa jetkizý isine sheteldik sala mamandary tartylmaq. Ol úshin mınıstrlik «Bıg farma» dep atalatyn kompanıamen kelisimge keldi.