Almaty qalasynyń ákimi Darhan Satybaldy Medeý aýdanyna jumys sapary kezinde birqatar ınfraqurylymdyq nysandardy aralady, - dep habarlaıdy Aqshamnews.kz.
Sapar barysynda sýmen jabdyqtaý, tótenshe jaǵdaılardyń saldaryn joıý, qoǵamdyq keńistikterdi abattandyrý jáne qalalyq ortany sáýlettik turǵyda kórkeıtý jobalaryna erekshe nazar aýdaryldy.
Qala basshysy «Kamenskoe plato» shaǵynaýdanynda «Balqash» taza sý rezervýarynan «Mýztaý» shaǵynaýdanyna deıingi jelilerdiń qurylysy barysymen tanysty. Joba 7 myńnan astam turǵyndy sýmen qamtýǵa baǵyttalǵan. Almaty ákimi jumysty belgilengen merzimde aıaqtaýdy jáne barlyq kezeńderdiń sapasyn baqylaýdy tapsyrdy.
Darhan Satybaldy «Taý-Samal» shaǵynaýdanynda 2024 jylǵy aqpandaǵy kóshkinniń saldaryn joıý sharalarynyń oryndalýyn tekserdi. Qala basshysy apatty-qalpyna keltirý jumystaryn aǵymdaǵy jyldyń sońyna deıin qaýipsizdik talaptaryn saqtaı otyryp, aıaqtaýdy tapsyrdy.
Turǵyndar men eko-belsendilermen ashyq dıalog ótti.
Darhan Satybaldy bul jerlerdiń komýnaldyq menshikke qaıtarylatynyn atap ótti, qazirgi tańda olardy qala menshigine berý rásimi júrip jatyr.
Talqylaýǵa Medeý aýdanynyń ákimi de qatysty. Aýdan basshysy qalpyna keltirý jumystarynyń barysy, merdiger uıymdarmen ózara is-qımyl jáne abattandyrý sharalary týraly baıandady. Qala ákiminiń qatysýymen turǵyndardyń suraqtaryna naqty jaýaptar berildi.
«Terenkýr-2» saıabaǵy aýmaǵynda qala ákimi rekreasıalyq aımaqtyń qaıta jóndeý jumystarymen tanysty. Joba aıasynda zamanaýı serýendeý baǵyttary, toǵandy abattandyrý, amfıteatr ornatý jáne týrısik ınfraqurylymdy damytý qarastyrylǵan. Merdiger uıymdarǵa jumys kestesin qatań saqtaý tapsyryldy.
Abattandyrý aıasynda ál-Farabı dańǵyly boıyndaǵy turǵyn úılerdiń qasbetterine sáýlettik jaryqtandyrý jobasy tanystyryldy. Jumystar kezeń-kezeńimen júrgizilýde. Qala ákimi birkelki sáýlettik stıldi, qyzmetterdiń kelisilgen jumysyn jáne turǵyndardyń jaryqtandyrý boıynsha usynystaryn eskerýdi tapsyrdy.
Sondaı-aq, megapolıs basshysy Dostyq dańǵyly men Pýshkın kóshesiniń boıyndaǵy jaıaý júrginshi jáne kólik ınfraqurylymyn abattandyrý jobalarymen tanysty. Qoljetimdi orta qalyptastyrý jáne qurylys standarttarynyń saqtalýyn baqylaý boıynsha jeke tapsyrma berildi.
Jumys saparynyń qorytyndysy boıynsha Darhan Satybaldy salalyq basqarmalar men aýdan ákimine birqatar tapsyrmalar berdi – halyqpen turaqty keri baılanysty qamtamasyz etý, atqarylyp jatqan jumystar týraly ýaqtyly aqparat berý jáne azamattardyń ótinishterine jedel áreket etý.