Almaty qalasynyń ákimi Darhan Satybaldy jumys sapary barysynda Indýstrıalyq aımaq aýmaǵyndaǵy birqatar kásiporynnyń jumysymen tanysyp, onyń damý bolashaǵyna qatysty keńes ótkizdi.
Jumys istep turǵan óndiristerdiń tıimdiligine, jerdi tıimdi paıdalanýǵa, ınfraqurylymdy damytýǵa jáne jańa ınvestorlardy tartýǵa basty nazar aýdaryldy.
Búginde Almatynyń Indýstrıalyq aımaǵynda 557,6 mlrd teńgege 118 joba júzege asyrylýda, 15 myńnan astam jumys orny quryldy. 2016 jyldan beri quny 142,1 mlrd teńge bolatyn 41 nysan paıdalanýǵa berildi. 2025 jyly ınvestısıa kólemi 224,9 mlrd teńge bolatyn taǵy 14 óndiristi iske qosý josparlanǵan.
Keńeste ákim kásiporyndardy iske qosý ǵana emes, olardyń naqty ekonomıkalyq tıimdiligin qamtamasyz etý qajet ekenin atap ótti:
«Jumys oryndary, salyq túsimderi, ónimge degen suranys syndy bizge naqty nátıje mańyzdy. Almaty bos turǵan óndiris oryndaryna emes, kerisinshe ósý núktesine aınalýǵa tıis», - dedi Darhan Satybaldy.
Keńes qorytyndysy boıynsha ákim qalalyq Kásipkerlik basqarmasy men AIA basshylyǵyna ınvestısıa kólemin ulǵaıtý, jobalardyń tıimdiligin baqylaýdy kúsheıtý, sondaı-aq shaǵyn ónerkásip parkteriniń jumysyn jandandyrý jóninde sharalar qabyldaýdy tapsyrdy.
Indýstrıalyq aımaqtyń ekinshi kezegin talqylaý mańyzdy taqyrypqa aınaldy. Kásipkerlik jáne ınvestısıalar basqarmasynyń basshysy Álisher Satybaldıev temirjol ınfraqurylymynyń jaı-kúıi men damý keleshegi týraly baıandady. Búginde atalǵan aımaqqa ınvestısıa salýǵa múddeli 9 kompanıanyń ótinimi konkýrstyq negizde qarastyrylyp jatyr.
«Indýstrıalyq aımaqtyń ekinshi kezeńin iske qosý boıynsha merzimi, búdjeti jáne oǵan jaýapty jandar kórsetilgen naqty jol kartasy qajet. Bul isti keıinge qaldyrýǵa haqymyz joq», - dedi Almaty ákimi.
Elektr qýaty tarıfin tómendetý, temirjol ınfraqurylymynyń ózin-ózi óteý joldary syndy naqty usynystar da nazardan tys qalmady. Ákim ındýstrıalyq klaster kásiporyndaryna arnalǵan tómendetilgen tarıfter týraly bastamalardyń buǵan deıin de kóterilgenin eske saldy.
Elektr energıasy tarıfin tómendetý, temirjol ınfraqurylymynyń ózin-ózi aqtaý joldary syndy naqty usynystar da nazardan tys qalmady. Ákim ındýstrıalyq klaster kásiporyndaryna arnalǵan tómendetilgen tarıfter týraly bastamalardyń buǵan deıin de kóterilgenin eske saldy.
Jer máselesi de keńeste keńinen talqylandy. Darhan Satybaldy aýdan ákimdikteri men tıisti basqarmalarǵa jańa óndiris oryndaryn ornalastyrý úshin qosymsha jer telimderin izdestirý jumysyn jedeldetýdi tapsyrdy.
«Almatyda barlyq qajetti resýrs bar: damyǵan ınfraqurylym, bilikti mamandar, qarjy kózderine qoljetimdilik jáne tólem qabileti joǵary naryq. Biz bul áleýetti tolyq paıdalanýymyz kerek», - dedi Darhan Satybaldy.
Ákim Indýstrıalyq aımaqtyń kógaldandyrý jumystaryna aıryqsha nazar aýdardy. Japyraqty aǵashtardy otyrǵyzýǵa basymdyq bere otyryp, jasyl jelek qalyptastyrý jáne olardyń kútimin júıeleý tapsyryldy.
«Eger biz jasyl aımaqtar jasaıtyn bolsaq, onda olardy kútip ustaý da talapqa saı bolýy kerek. Bul AIA-nyń árbir qatysýshysy úshin qalypty jaǵdaıǵa aınalýǵa tıis», - dep sózin túıindedi Almaty ákimi.
Buǵan qosa, qala basshysy jańa ınovasıalyq kompanıalardy tartýdy jáne Almatynyń Indýstrıalyq aımaǵy bazasynda halyqaralyq deńgeıdegi tehnopark tujyrymdamasyn ázirleýdi strategıalyq baǵyttardyń biri dep atady.
Sondaı-aq, Indýstrıalyq aımaq aýmaǵynda jańa jobalardy irikteýde qosymsha quny joǵary, zamanaýı tehnologıa qoldanatyn jáne eksporttyq áleýeti bar óndiristerge basymdyq beriletinin aıtty.