2021 jylǵy 21 qazanda Abaı atyndaǵy Qazaq ulttyq pedagogıkalyq ýnıversıtetiniń Basqarma tóraǵasy-rektory Darhan Bilálov Qazaqstandaǵy Túrkıa Respýblıkasynyń Bas konsýly Alı Ryza Aqyndjymen kezdesti, dep habarlaıdy almaty-akshamy.kz
Kezdesýge Qazaqstandaǵy Túrkıa Respýblıkasy Bas konsýldyǵynyń bilim berý jónindegi attashesi Mahmýt Agyrman jáne Abaı ýnıversıtetiniń strategıa, sıfrlandyrý jáne ınternasıonaldandyrý jónindegi prorektory Aqtolqyn Qulsarıeva qatysty.
Kezdesý barysynda rektor Darhan Bilálov Abaı atyndaǵy QazUPÝ-dyń túrik ýnıversıtetterimen yntymaqtastyǵy jaıynda, qandaı baǵyttarda birlesken jumystar júrgizilip jatqany týraly qysqasha aqparat berip, Abaı ýnıversıteti joǵary oqý oryndary arasyndaǵy ekijaqty halyqaralyq yntymaqtastyqty damytýǵa jáne nyǵaıtýǵa basa kóńil bóletinin jáne barlyq túrik joǵary oqý oryndarymen seriktestik baılanystardy josparly túrde keńeıtýge daıyn ekenin atap ótti.
Alı Ryza Aqyndjy Túrkıa Respýblıkasy men Qazaqstan Respýblıkasy ýnıversıtetteri arasyndaǵy yntymaqtastyqty damytýdy jalǵastyrýdyń mańyzdylyǵyn atap ótti. Sonymen qatar Abaı atyndaǵy QazUPÝ-men túrik ýnıversıtetteriniń birlesken jumysyn jalǵastyrýda Túrkıa Respýblıkasynyń Bas konsýldyǵynan tolyq qoldaý kórsetetindigin atap ótti.
Kezdesý sońynda Alı Ryza Aqyndjy Abaı atyndaǵy QazUPÝ qyzmetkerleri men stýdentterin Almaty qalasynda ótetin túrik fılmder festıvaline shaqyrdy. Taraptar aldaǵy jemisti jumystardyń júzege asatynyna senim bildirdi.