Bul týraly Almaty qalasy onkologıalyq ortalyǵynyń dırektory Nursultan İzbaǵambetov Óńirlik komýnıkasıalar qyzmeti alańynda ótken onlaın brıfıńte aıtty, dep habarlaıdy almaty-akshamy.kz Baq kz silteme jasap.
Dáriger Almatydaǵy onkologıalyq aýrýlardy emdeýdegi qoljetimdilik týraly aıta kele, bıyl qaterli isikti erte kezeńinde anyqtaý kórsetkishi artqanyn jetkizdi.
Bıylǵy 9 aıda ortalyqta 13 256 naýqas emdeldi. Byltyrǵy kórsetkishpen salystyrǵanda, naýqastar sany 15 paıyzǵa kóbeıdi. Bir qýantarlyǵy, qaterli isikten bolatyn ólim-jitim 10 paıyzǵa azaıdy. Bul, birinshiden, em alyp jatqan naýqastar sanynyń kóbeıýine baılanysty. Ekinshi jaǵynan, isikti erte kezeńinde anyqtap, emdi erterek bastaýynan, - dedi ol.
Sonymen qatar ol qaterli isikke shalynǵandar arasynda ómir súrý jaǵdaıy uzarǵanyn aıtty.
Máselen, aýyrǵan sátinen beri 5 jyl ýaqyttan beri em alyp kele jatqan naýqastar sany 54%-dan asty. Statısıka boıynsha, Almatyda jylyna 4 myń adam qaterli isikpen aýyrady. Biraq emin alyp, jumysyn jalǵastyryp jatqandardyń sany qazir 27 myńǵa jetti, - deıdi ortalyq dırektory.
Barlyq quqyqtar qorǵalǵan. baq.kz belsendi siltemeni paıdalanyńyz: https://baq.kz/news/othernews/almatyda-zhylyna-4-myn-adam-katerli-isikpen-auyrady/