Almatyda dámhananyń jazǵy alańyna taǵy bir aǵash qulady. Oqıǵany kýágerler vıdeoǵa túsirip aldy, - dep habarlaıdy Almaty-akshamy.kz.
Áleýmettik jelide taralǵan vıdeoda qulaǵan aǵash dámhananyń jarty bóligin jermen jeksen etken.
Adamdar aǵash qulamaı turyp, dámhanadan shyǵyp úlgerdi. Vıdeonyń sıpattamasynda oqys oqıǵa Ortalyq demalys saıabaǵynda bolǵany aıtylǵan, dep jazdy Tengrinews.kz.
«Jaqyn jerde ornalasqan mekemeniń ústine aǵash qulady. Jaqyn jerde adamdar men balalar bolǵan. Kýágerdiń aıtýynsha, eshkim zardap shekken joq», - delingen jazbada.
«Mamandar saıabaq aýmaǵyna baryp, tekseris barysynda kópjyldyq aǵashtyń qulaǵany anyqtaldy. Zardap shekkender joq. Aǵash dámhanaǵa irgeles jatqan «Altyn Taraz» JSHS-ne tıesili.
Almaty qalasynyń jasyl jelekterin kútip,ustaý jáne qorǵaý erejesine sáıkes menshik ıesi kútip-baptaý jumystaryn, onyń ishinde irgeles aýmaqta ósip turǵan aǵashtardy sanıtarlyq kesýdi júrgizýi tıis. Basqarma aýmaqtyń ıesine sanıtarlyq kesý jumystaryn júrgizýge usynys joldady», - dep túsindirdi basqarma.
Eske salaıyq, 25 mamyrda Almatyda dámhananyń jazǵy alańyna alyp aǵash qulady. Qonaqtar aǵashtyń qulaıtynyn baıqap, qashyp úlgergen.