Ýaqytsha shekteýlerdi alyp tastaý týraly sheshim qabyldandy.
Qazaqstan Premer-Mınıstriniń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń otyrysy ótti, dep habarlaıdy Almaty-akshamy.kz.
VAK otyrysynda qazaqstandyq jáne sheteldik azamattardyń Qazaqstan Respýblıkasynyń memlekettik shekarasyn kesip ótý tártibin jeńildetý máseleleri talqylandy.
Nátıjesinde, vedomstvoaralyq komısıa ýaqytsha shekteýlerdi alyp tastaý týraly sheshim qabyldady:
- Qazaqstan Respýblıkasy azamattarynyń Qazaqstan Respýblıkasynyń halyqaralyq áýejaılary arqyly shet memleketterge shyǵýyna;
- vızalyq talaptar saqtalǵan jaǵdaıda sheteldikterge vızasyz rejımi bar elderden, sondaı-aq tikeleı áýe qatynasy bar elderden (turaqty, turaqty emes charterlik reıster) Qazaqstan Respýblıkasynyń aýmaǵyna/aýmaǵy arqyly kirýge/tranzıttik ótýge.
Sondaı-aq Qazaqstan Respýblıkasynyń azamattary úshin avtoótpe joldary arqyly shet memleketterge shyǵý úshin shekteý merzimi eki ese azaıtyldy, endi qazaqstandyqtar 15 táýlikte 1 ret shyǵa alady.
Elge kirý kezindegi jalǵyz talap – shetelden kelgenderdiń barlyǵy vaksınasıadan ótýine qaramastan 72 saǵat ishinde jaramdy koronavırýstyń teris PTR testi týraly anyqtamany usynýy kerek. Erip júretin adamdarda teris test týraly qujat bolǵan kezde, 5 jasqa deıingi balalardan anyqtama talap etilmeıdi.
«Bul sharalar ekonomıkalyq qyzmetti jandandyrýǵa, otandyq týrısik bıznesti damytýǵa jáne eldiń ınvestısıalyq ahýalyn jaqsartýǵa baǵyttalǵan. Memleket basshysy Qasym-Jomart Toqaev 21 qańtarda bıznes ókilderimen kezdesý barysynda Úkimetke koronavırýstyq ınfeksıanyń taralýyna jol bermeý boıynsha karantındik sharalardy qoldaný tásilderin qaıta qaraýdy tapsyrǵan bolatyn», - delingen VAK málimetinde.
