DDSU "omıkron" shtamynyń jańa túrin baqylaýǵa alyp, zertteý kerektigin aıtty.
Deutsche Welle basylymnyń málimetinshe, uıym koronavırýstyń "omıkron" shtamynyń eki jańa kishi túrin baqylap jatyr. Dúnıejúzilik densaýlyq saqtaý uıymy BA.4 jáne BA.5 shtamdarynyń juqpaly ekenin anyqtaý úshin baǵalaý tizimine qosqanyn aıtty, dep habarlaıdy Almaty-akshamy.kz Elorda.info saıtyna silteme jasap.
«DDSU qosymsha mýtasıalarǵa baılanysty jańa kishi túrlerdi baqylaýdy bastady, olardyń ımýndyq qorǵanys áleýetine áserin túsiný úshin qosymsha zertteý qajet», – delingen habarlamada.
Sonymen qatar, DDSU basshysy Tedros Adhanom Gebreıýs álemde COVID-19 pandemıasynyń áli aıaqtalmaǵanyn aıtty. Ol sońǵy aptada COVID-19-dan ólim sany azaıyp jatqanyn, biraq vırýs óte juqpaly ekenin, damýyn jalǵastyryp jatqanyn aıtty.
«COVID-19 pandemıasy áli aıaqtalǵan joq. Ol juǵýyn toqtatpaıynsha, pandemıa esh jerde aıaqtalmaıdy», – dedi DDSU basshysy.