Qazaqstanda sońǵy eki aptada kovıdpen syrqattaný kórsetkishi 11%-ǵa tómendedi.
Jalpy, sońǵy eki aıdaǵy kórsetkish boıynsha, elimizde indetke shaldyǵý 4,5 esege, al ólim-jitim 4,8 esege azaıdy, dep habarlaıdy almaty-akshamy.kz tilshisi.
QR DSM málimeti boıynsha, qarasha aıynda optımısik senarı boıynsha aıyna 1500 jaǵdaı bolýy múmkin. Realısik senarı boıynsha – 1650, pesımısik senarı boıynsha – 1800 kórsetkish bolady dep boljanyp otyr. Al kovıdtik jaǵdaıdaǵy álemniń epıdahýaly qandaı? Sholý jasap kóreıik.
Ázirbaıjanda satyp alynǵan vaksınalaý pasporttary úshin qylmystyq jaýapkershilikke tartylyp, tipti temir torǵa túsýi múmkin. Jalǵan kovıd sertıfıkatyn alǵan turǵyndar jazadan jaltara almaıdy, dep málimdedi respýblıka İİM baspasóz qyzmetiniń basshysy Elshad Gadjıev.
«Ázirbaıjan zańnamasyna sáıkes, jalǵan COVID-pasportyn satyp alýdyń qylmystyq quramy bar ekenin habarlaımyz», — dedi Gadjıev.
Eger vaksınalaý týraly zańsyz qujaty bar azamat basqa adamǵa vırýs juqtyrsa jáne ol adam qaıtys bolsa, 3 jyldan 5 jylǵa deıin bas bostandyǵynan aıyrýǵa deıin jaza qarastyrylǵan.
Gonkong pandemıaǵa baılanysty elge kirý shekteýlerin kúsheıtýde – 21 kúndik oqshaýlaý belgilendi. Bul týraly avtonomıa ákimshiliginiń basshysy Kerrı Lam málimdedi. Karantındik erekshelikter tek shuǵyl qyzmet jumyskerleri men azyq-túlik tasymaldaıtyn júk kólikteri úshin qarastyrylatyn bolady. Kerrı Lam karantındik sharalardy kúsheıtý materıktik Qytaımen shekarany tezirek ashýǵa degen umtylyspen baılanysty ekenin atap ótti. Sondaı-aq, qonaq úılerde top-menedjerler, iri korporasıalardyń basshylary, ǵalymdar, sondaı-aq kemeler men ushaqtar ekıpajdarynyń músheleri mindetti 21 kúndik karantınnen ótpeıdi.
Italıa bıligi koronavırýstyq ınfeksıa qaýpi bar eldermen syrtqy shekarany jaýyp jatyr. Búginnen bastap Albanıadan kelgen azamattar úshin elge kirý 15 jeltoqsanǵa deıin toqtatylady. Bul Balqan elindegi epıdemıologıalyq jaǵdaıdyń nasharlaýyna baılanysty. Italıaǵa Albanıadan kirý tek úıge oralǵan ıtalándyqtar úshin, sondaı-aq jumysqa, oqýǵa, emdelýge jáne shuǵyl sebeptermen baratyndar úshin múmkin bolady. Albanıada koronavırýstyq ınfeksıanyń jańa jaǵdaılarynyń sany kórshi elderge qaraǵanda edáýir kóp. Bir táýlik ishinde 264 covid-19 tasymaldaýshysy anyqtaldy.
Armenıada epıdemıologıalyq jaǵdaıdyń shıelenisýine baılanysty búginnen bastap jańa karantındik sharalar engizilýde. Mektepterdegi demalys uzarady, JOO men OOO qashyqtyqtan oqytý rejımine kóshedi. Bul sheshim Densaýlyq saqtaý mınıstrliginiń usynysy boıynsha qabyldandy. Shekteýlerdiń qoldanylý merzimi 15 qarashaǵa deıin sozylady. Eldiń densaýlyq saqtaý mınıstrligi oqý oryndarynyń basshylaryn osy ýaqytqa deıin qyzmetkerlerdi jumysqa shaqyrmaýdy usyndy. Ótken 24 saǵat ishinde COVID-19 juqtyrýdyń 1184 jańa jaǵdaıy tirkeldi, nátıjesinde olardyń jalpy sany 296 552 adamǵa jetti.
Birikken Arab Ámirlikteri men Bahreın Koróldiginde vaksınasıadan ótip, Óli teńizge saıahatqa barýǵa bolady. Izraıl Parsy shyǵanaǵyndaǵy eki eldiń vaksınasıa sertıfıkattaryn moıyndady. Densaýlyq saqtaý mınıstri Nısan Horovıs Izraıl, BAÁ jáne Bahreın arasynda «jasyl dáliz» týraly kelisimge qol qoıdy. Ámirlikterde halyqtyń 86,9%-y, Bahreınde 66%-y tolyq vaksınalaýdan ótti. Bul elderde DDU sertıfıkattaǵan koronavırýstyq preparattar ǵana emes, sonymen birge reseılik «Spýtnık V» vaksınasy da qoldanylady.
Ózbekstan Úkimeti Reseıge vaksınalaý sertıfıkattaryn ózara tanýdy usynýǵa daıyndalyp jatyr. Bılik óz usynysyn qarasha aıynyń ortasyna deıin jarıalaýǵa daıyn. Sonymen qatar bul qujat Reseı Federasıasymen de, TMD jáne alys sheteldermen de vaksınasıa sertıfıkattaryn tanýdy qamtıdy. «Budan ári bul elderdiń, atap aıtqanda, Reseı Federasıasynyń sertıfıkattardy taný týraly osy usynysqa qalaı jaýap beretinine baılanysty», — dep atap ótti sanıtarlyq-epıdemıologıalyq salaýattylyq jáne qoǵamdyq densaýlyq qyzmetiniń basshysy Bahodyr Iýsýpalıev.