Qazaqstanda epıdahýal áli jaqsarǵan joq. Elimizdiń barlyq óńiri qaıtadan «qyzyl» aımaqqa ótti.
4 jarym mıllıon adam koronavırýsqa qarsy ekpe saldyrdy. Vaksınalaý qarqynyn kúsheıtýge Úkimet tarapynan tapsyrma berildi. İndetke shaldyqqan 1 808 adamnyń jaǵdaıy aýyr, 451 pasıenttiń jaǵdaıy óte aýyr, 215 naýqas ÓJJ apparatynda jatyr. Al, álemdegi ahýal qandaı? COVID-19 taralýyna jol bermeý jónindegi VAK-tyń telegram kanaly dúnıe júzindegi epıdahýal jaıyndaǵy aqparat taratty, dep habarlaıdy Almaty-akshamy.kz tilshisi.
Iranda indet juqtyrǵandardyń jalpy sany 4 238 676 adamǵa jetti, dep habarlaıdy Densaýlyq saqtaý mınıstrligi. Ótken táýlikte ǵana COVID-19 juqtyrýdyń 39 139 jańa jaǵdaıy jáne 508 kóz jumý deregi anyqtaldy. Búgingi tańda pandemıa 95 111 adamnyń ómirin qıdy. 11 tamyzdaǵy jaǵdaı boıynsha, búkil el boıynsha 13 520 127 adam COVID-19 vaksınasynyń kem degende bir dozasyn aldy, 3 274 980 adam vaksınasıanyń tolyq kýrsynan ótti.
AQSH-ta pandemıa bastalǵannan beri shamamen 36 mıllıon KVI ınfeksıasyn juqtyrý deregi tirkeldi. Alty aıda alǵash ret kúnine 100 myńnan astam jańa ınfeksıa juqtyrý jaǵdaıy anyqtaldy. Bir aıda aýrýhanaǵa jatqyzý kórsetkishi 8 esege ósti. 50 aýrýhana bılik organdarynan kómek suraýda. Aýrýhanalarda pasıentterdiń aǵynymen kúresý úshin qyzmetkerler jetispeıdi. Dárigerler "delta" shtamy áserinen pasıentterdiń jas shamasy edáýir jasarǵanyn, 40 jasqa deıingi adamdardyń reanımasıaǵa túsip jatqanyn, balalar arasynda ınfeksıa kúnnen kúnge artyp kele jatqanyn aıtady. Aýrýǵa shaldyǵý jaǵdaılarynyń kópshiligi Lýızıana, Florıda, Tehas, Alabama shtattarynda oryn alýda.
Reseılik ǵalym eldegi COVID-19 boıynsha jańa tolqynnyń bolýy múmkin merzimderin atady. Vırýsolog Evgenıı Tımakov aýrýdyń jańa órshýi týraly eskertti. Onyń pikirinshe, epıdemıologıalyq jaǵdaıdyń jaqsarǵanyna qaramastan, vırýs juqtyrǵandardyń sany qyrkúıektiń sońynda demalys maýsymy aıaqtalyp, barlyǵy úılerine oralǵan kezde ósedi. Ótken táýlikte Reseıde 21 378 COVID-19 juqtyrý deregi tirkeldi. Epıdemıa kezinde elde barlyǵy 6 491 288 jaǵdaı anyqtaldy, olardyń 166 442-si qaıtys boldy.
Taılandta bir kúnde 235 adam koronavırýstan qaıtys boldy. Aldyńǵy ólim-jitimniń maksımaldy táýliktik ósýi 7 tamyzda tirkelgen bolatyn - 212 jaǵdaı. SARS-CoV-2 qurbandarynyń jalpy sany 6 588 adamǵa jetti. Ótken táýlikte COVID-19 juqtyrýdyń jańa 843 jaǵdaıy anyqtaldy. Elde indetke shaldyqqandardyń jalpy sany 795 951-ge jetti. Immýndaý bastalǵannan beri Taılandta COVID-19 vaksınasynyń 21 mıllıonnan astam dozasy engizildi. Bangkok pen Phýket týrısik ortalyǵy halqynyń 70%-dan astamy vırýsqa qarsy egildi.