Qazaqstanda epıdahýal birshama turaqtanǵandaı, elimiz «qyzyl» aımaqtan túgelimen shyqty. Al kovıdtik jaǵdaıdaǵy álemniń ahýaly qandaı?
Eýropalyq Odaq elderiniń úkimetteri «omıkron» shtamynyń tez taralýyna baılanysty shekteý sharalaryn engizýde, dep habarlaıdy Almaty-akshamy.kz Covid-19 taralýyna jol bermeý jónindegi VAK-tyń telegram kanalyna silteme jasap.
Afrıkanyń eń tyǵyz qonystanǵan eliniń biri - Nıgerıa bıligi covid-19 aýrýynyń tórtinshi tolqynyn jarıalady jáne aýrýdyń ósýin «delta» jáne «omıkron» shtamdarynyń taralýymen baılanystyrdy. Aýrýlardy baqylaý ortalyǵynyń basshysy Ifedaıo Adetıfanyń málimdemesinde aıtylǵandaı, sońǵy eki aptada aýrýdyń aıtarlyqtaı ósýi baıqaldy-shamamen 500 %. Nıgerıanyń 36 shtaty men federaldy astanalyq okrýginde 223 887 jańa jaǵdaı jáne 2 985 ólim derekteri tirkeldi. Qazir el Úkimeti KVI-ǵa qarsy kúreste kúsh-jigerdi jáne halyqty vaksınasıa týraly habardar etý, sondaı-aq vırýstyń taralýyn azaıtý úshin qaýipsizdik sharalaryn saqtaý jónindegi jumysty jandandyrýda.
Eýropalyq Odaq elderiniń úkimetteri «omıkron» shtamynyń tez taralýyna baılanysty shekteý sharalaryn engizýde. Eń mańyzdy statısıka Ulybrıtanıada, atap aıtqanda, astanasy Londonda baıqalady – kúnine shamamen 25 myń ınfeksıa juqtyrý derekteri anyqtalýda. Ulybrıtanıa astanasynyń meri Sadyq Han qalada tótenshe jaǵdaı rejımin engizdi. Osy ýaqytta Fransıa men Germanıa brıtandyqtardyń óz memleketterine kirýine tyıym saldy, al Nıderlandy olar úshin mindetti on kúndik karantın engizdi. Búgingi tańda Ulybrıtanıa azamattary úshin 40-tan astam el jabyldy.
AQSH-ta «omıkron» shtamyn juqtyrǵandardyń sany eki kún saıyn eselep artýda. AQSH Ulttyq alergıalyq jáne juqpaly aýrýlar ınstıtýtynyń dırektory Entonı Faýkıdiń aıtýynsha, «omıkron» shtamyn juqtyrý sany bir aptada 8-10%-dan 73% - ǵa deıin ósti.
Germanıa turǵyndaryna pandemıaǵa baılanysty qarym-qatynasty múmkindiginshe shekteý usynyldy. 28 jeltoqsannan bastap jeke kezdesýlerge eń kóp degende 10 adam qatysa alady dep kútilýde. Vaksınasıalanbaǵan adamdar tek birge turatyn adamdarmen aralasa alady. Sonymen qatar túngi klýbtar men dıskotekalar jabylady dep kútilýde.
Taıland Phýketten basqa saıahattaýǵa bolatyn barlyq provınsıany sheteldik týrıser úshin ýaqytsha jaýyp tastady. El bıligi barlyq kelýshiler úshin mindetti karantın engizýdi qaıta qarastyrýda.
UHL oıyn maýsymyn ýaqytsha toqtatý týraly jarıalady. Lıgada mundaı sheshim koronavırýsty juqtyrǵan oıynshylar men klýb qyzmetkerleri sanynyń kúrt ósýi jáne 50-ge jýyq turaqty chempıonat oıyndaryn májbúrlep kóshirý aıasynda qabyldandy.