Dúnıe júzindegi epıdahýal qandaı?
Avstralıa 5-11 jastaǵy balalardy Covid-19-ǵa qarsy Pfizer preparatymen vaksınasıalaı bastady, dep habarlaıdy Almaty-akshamy.kz Covid-19 taralýyna jol bermeý jónindegi VAK-tyń telegram kanalyna silteme jasap.
Tokıo sheteldikterge jańa kirý vızalaryn berýge tyıym salýdy uzartady. Bılik aqpan aıynyń sońyna deıin uzartý múmkindigin qarastyrýda. Endi elge tek japon azamattary, akkredıttelgen dıplomattar jáne uzaq nemese turaqty turýǵa ruqsaty bar sheteldikter kire alady.
Avstralıa 5-11 jastaǵy balalardy Covid-19-ǵa qarsy Pfizer preparatymen vaksınasıalaı bastady. Jańa oqý jyly aldynda vaksınanyń 3 mln dozasy taratylady. Eldiń Densaýlyq saqtaý mınıstrliginiń basshysy balalardy segiz apta aralyǵymen engiziletin eki dozamen ımmýndaıtynyn atap ótti. Qazirgi ýaqytta Avstralıanyń eresek turǵyndarynyń 92%-dan astamy tolyǵymen egildi.
Shvesıada COVID-19 aýrýshańdyq kórsetkishiniń ósýine baılanysty jańa shekteýler engizilýde. Bılik elde ınfeksıanyń taralýy «tarıhı joǵary deńgeıde» dep málimdedi. Qoǵamdyq tamaqtandyrý kásiporyndary 23:00-den keshiktirmeı jabylady. Ýnıversıtetterge qashyqtyqtan oqytý rejımi usynylady. Barlyq jappaı jınalystarda vaksınasıa sertıfıkaty qajet etiledi.
Reseıde koronavırýs ınfeksıasyna shaldyǵý kórsetkishiniń kúrt kúrdelenýi kútilýde. Rospotrebnadzor sarapshysy Kamıl Hafızov COVID-19 aýrýshańdyǵynyń ósýi jańa jyldyq demalystar men merekelerden keıin qarqyn alady dep málimdedi. «Merekeler aıaqtalysymen, elde jańa «omıkron» shtamynyń taralýyna baılanysty aýrý deńgeıiniń ósýi múmkin», - dedi epıdemıologıa ortalyǵynyń ǵylymı tobynyń jetekshisi Hafızov. Ǵalymnyń bul pikiri SARS-CoV-2 genomyndaǵy ózgeristerge jáne aýyryp jazylǵan, sondaı-aq egilgen adamdarda qalyptasqan qorǵanysh antıdenelerine tózimdiligin dáleldeıtin zertteýlerge negizdelgen. Muny DDU Bas dırektory Tedros Gebreıýs rastady.
Koronavırýstyq indet AQSH-ta jańa rekordtyq kórsetkishterge jetti. Djons Hopkıns ýnıversıtetiniń málimetteri boıynsha, ınfeksıanyń anyqtalǵan jaǵdaılarynyń sany 60 mıllıonnan asty. 10 qańtardaǵy derekter boıynsha, AQSH-ta 60 062 077 adam vırýs juqtyrdy, onyń ishinde 837 504 azamat qaıtys boldy. Qańtar aıynyń basynda ekıpaj músheleri arasynda COVID-19 indetine shaldyǵý jaǵdaılarynyń bastalýyna baılanysty elde reısterdi jappaı toqtata bastady. Jolaýshylar áýejaılarda birneshe saǵat kútýge májbúr. Amerıkandyq aýrýhanalardyń reanımasıa bólimsheleriniń júktemesi 78%-dan asty, olardyń 22%-y COVID-19 pasıentterine tıesili.