Qazaqstanda 2022 jyldyń 5 qańtarynan bastap jekelegen obektilerdiń qyzmetine engiziletin jańa shekteýler kúshine enedi.
Chernogorıa bıligi 2 qańtardan bastap vaksınalanbaǵan jáne koronavırýspen aýyrmaǵan sheteldik azamattardyń elge kirýine tyıym salady, dep habarlaıdy Almaty-akshamy.kz Covid-19 taralýyna jol bermeý jónindegi VAK-tyń telegram kanalyna silteme jasap.
Bul rette vaksınanyń ekinshi dozasyn alǵan sátten bastap alty aıdan aspaýy tıis. Sondaı-aq, Chernogorıaǵa koronavırýstan saýyqqannan keıin 10 kúnge beriletin anyqtamamen jáne PTR testiniń oń nátıjesinen bastap 180 kúnnen aspaıtyn merzimge berilgen anyqtamamen kirýge bolady.
«Spýtnık Laıt» vaksınasyn Týnıstiń Densaýlyq saqtaý mınıstrligi Sovid-19-dan ámbebap kúsheıtkish retinde tirkedi, dep habarlaıdy RTIQ. Preparat kúsheıtkish retinde «omıkron» shtamyna qarsy antıdenelerdiń vırýstyq beıtaraptandyrǵysh belsendiligin edáýir arttyratyny atap ótildi.
Álem boıynsha anyqtalǵan jaǵdaılardyń táýliktik ósimi rekordtyq deńgeıde qalyp otyr, 1,7 mıllıonnan astam jaǵdaı. Sonymen qatar kúndelikti antırekordtar Fransıa, Ulybrıtanıa, Italıa, Argentına, Gresıa jáne Portýgalıada tirkelgen.
AQSH Densaýlyq saqtaý mınıstrligi aýrýhanalardaǵy reanımasıa bólimsheleriniń tolyp jatqanyn málimdedi. Qazir stasıonarlyq emde 579 000 adam (eldiń tósek qorynyń 77,25%) jatyr, onyń 90,7 myńy koronavırýs ınfeksıasynan eıdelýde. Djordj Vashıngton ýnıversıtetiniń doktory Djeıms Fıllıps: «Qazirgi kúrdeli jaǵdaı jan saqtaý bólimderiniń júktemesin birneshe esege arttyryp otyr», - dedi. Ol balalardyń aýrýhanaǵa jatqyzý kórsetkishi búkil pandemıa kezindegi eń joǵary deńgeıge jetkenin atap ótti. Orta eseppen bir aptada aýrýhanaǵa táýligine 378 bala tústi.
Shveısarıa bıligi ótken táýlikte koronavırýs ınfeksıasynyń eń joǵary deńgeıiniń tirkelgendigi týraly habarlady. 19 032 Sovid-19 ınfeksıasyn juqtyrý deregi jáne 129 adamnyń aýrýhanaǵa túsýi pandemıa bastalǵannan bergi antırekord. Federaldy bıliktiń málimetinshe, sońǵy 24 saǵat ishinde 23 adam qaıtys boldy. Aýrýhanalardy toltyrý deńgeıi 75,9% quraıdy. Sarapshylar Shveısarıada COVID-19 jaǵdaılaryn anyqtaýdyń kúrt ósýi rojdestvolyq merekeler kezeńimen baılanysty bolýy múmkin deıdi.