Coca-Cola Avstrıada 28 mıllıon kólemi 0,5 lıtrlik plasıkalyq bótelkeni satylymnan qaıtaryp alatyn boldy. Buǵan ónim ishine qaýipti bólshekterdiń túsý qaýpi sebep boldy, dep habarlaıdy aqshamnews.kz
APA agenttiginiń málimetinshe, keıbir bótelkelerge metal fragmentteri túsýi múmkin. Kompanıa bul másele óndiris kezindegi aqaýǵa baılanysty týyndaǵanyn málimdedi: lımonad quıý barysynda súzgi synǵan bolýy yqtımal.
"Mundaı ónimdi tutyný densaýlyqqa zıan keltirýi múmkin bolǵandyqtan, kompanıa barlyq partıany keri qaıtarý týraly sheshim qabyldady. Qaıtarylatyn sýsyndarǵa Coke, Fanta, Sprite jáne MezzoMix ónimderi jatady, olardyń jaramdylyq merzimi 2025 jyldyń 4 aqpany men 12 sáýiri aralyǵynda kórsetilgen", – dep jazady basylym.
Bul Avstrıada alǵash ret osynshama kólemdegi ónimdi qaıtaryp alý oqıǵasy. Qazirgi ýaqytta sýsyndy tutynǵannan zardap shekkender joq.