Qazaqstan fýtbol federasıasy bas jattyqtyrýshy Stanıslav Cherchesovpen sóıleskenin málim etti. Oǵan 200 aılyq eseptik kórsetkish (738 myń 400 teńge) kóleminde aıyppul salyndy, dep habarlaıdy aqshamnews.kz.
Fýtbol federasıasynyń prezıdenti Ádilet Barmenqulov: «Biz qatelikter bar ekenin aıtyp, jýrnalısermen keshe sóılesken bolatynbyz. Cherchesovtyń ázilderi, árıne, shekten shyǵý. Men onymen jeke sóılestim, memlekettik tildiń mańyzdylyǵyn túsindirdim. Biz onymen jumystar júrgizdik. Oǵan aıyppul salyndy», — dedi.
Buǵan deıin áleýmettik jelide jattyqtyrýshynyń qazaq tilin qorlaıtyn sózderi aıtylǵan vıdeo jarıalanǵan. Bul oqıǵa qoǵamda úlken rezonans týdyrdy, al sport jáne týrızm mınıstrligi federasıadan túsinikteme talap etti.
KFF Cherchesovtyń sózderin sol kezde suraq qoıǵan jýrnalıs «Parı Sen-Jermen» fýtbol klýbynyń formasyn kıip kelgenimen túsindirgen bolatyn.
Stanıslav Cherchesovtyń ázilinen keıin bolǵan bul oqıǵa, memlekettik tildiń mártebesi men qoǵamdaǵy mádenıettilikti saqtaý qajettiligin taǵy da kórsetti. Jattyqtyrýshynyń jaýapkershiligi men memlekettik tilge qurmet kórsetýi qazirgi zamanda asa mańyzdy bolyp tabylady.