Kýrs onlaın oqytylady.
Sabaqtar qazaq jáne orys tilderinde júrgiziledi, dep habarlaıdy aqshamnews.kz
Astana Hub ChatGPT paıdalanýǵa baǵyttalǵan jasandy ıntellekt boıynsha tegin onlaın kýrstyń bastalǵany týraly málimdedi. Kýrsty Lerna seriktestigi ázirlegen jáne ónimdilikti arttyrǵysy, kúndelikti prosesterdi avtomattandyryp, bızneste ári kúndelikti ómirde neırondyq jelilerdi paıdalaný jaıly jańa bilim alǵysy keletin kez kelgen adamǵa arnalǵan.
«51 beıne sabaq pen 4 modýldi qamtıtyn «AI negizderi: ChatGPT» kýrsynan Skillbox bilim berý platformasynda aqysyz ótýge bolady. Sabaqtar qazaq jáne orys tilderinde júrgiziledi. Qatysý úshin Astana Hub platformasynda nemese tehnoparktiń mobıldi qosymshasy arqyly tirkelý jetkilikti», – dep habarlady Astana Hub.
Kýrs ChatGPT paıdalanýdyń ártúrli aspektisin qamtıdy, sonyń ishinde:
Neırondyq jelilerdiń negizderi, olardyń múmkindikteri ári shekteýleri;
Dál jáne paıdaly nátıjelerdi alý úshin tıimdi suraýlar jasaý;
Jumystaǵy ári jeke prosesterdegi kúndelikti tapsyrmalardy avtomattandyrý úshin ChatGPT paıdalaný.
Trenıń barysynda paıdalanýshylar:
Neırondyq jelilermen jumys isteý negizderin meńgeredi;
Qajetti nátıjelerdi alý úshin suraýlar jasaýdy úırenedi;
Mazmun jasaý, kodtaý, marketıń pen t.b. sıaqty kúndelikti jáne kásibı tapsyrmalarǵa daǵdylar qalyptastyrady.
Bul «AI negizderi: ChatGPT» onlaın kýrsy Qazaqstanda jasandy ıntellektti (AI) damytýǵa baǵyttalǵan AI Movement aýqymdy bastamasynyń bóligi retinde júzege asyp jatyr. Memleket basshysy Joldaýynda «Qazaqstan jasandy ıntellekt keńinen qoldanylatyn ári sıfrlyq tehnologıalar damyǵan elge aınalýy tıis» degen bolatyn.