Bul týraly ekonomıs Ǵalymjan Aıtqazın avtorlyq telegram-arnasynda jazdy.
Sarapshynyń jazýynsha, fermerler men aýyl sharýashylyǵy jumysshylary, ákimshilik salasyndaǵy qyzmetshiler, basshylar men memlekettik qyzmetshilerge suranys az bolmaq, dep habarlaıdy aqshamnews.kz
Eńbek resýrstaryn damytý ortalyǵynyń sarapshylarynyń baǵalaýy boıynsha 2024-2030 jyldary jaldamaly qyzmetkerlerge suranys 1,9 mln adamdy quraıdy. Sarapshylar jumys túrleri boıynsha negizgi suranys kásibı mamandarǵa, qyzmet kórsetý jáne saýda qyzmetkerlerine, sondaı-aq, biliktiligi joq qyzmetkerlerge túsedi dep kútedi.
Onyń jazýynsha, 2024 jyly jumyspen qamtylǵan halyqtyń negizgi bóligi ekonomıkanyń mynadaı sektorlarynda jumys isteıdi: saýda (16,8%), bilim berý (13,0%), ónerkásip (12,6%), aýyl sharýashylyǵy (11,5%), memlekettik qyzmet jáne áleýmettik qamsyzdandyrý (5,5%). Iaǵnı, jumyspen qamtylǵan halyqtyń 31,2%-y ekonomıkanyń naqty sektorynda (aýyl sharýashylyǵy, ónerkásip jáne qurylys) júr.
Sarapshylar 2024-2030 jyldary jumys túrleri boıynsha negizgi suranys kásibı mamandarǵa, qyzmet kórsetý jáne saýda qyzmetkerlerine, sondaı-aq, biliktiligi joq qyzmetkerlerge túsedi dep kútedi. Al fermerler men aýyl sharýashylyǵy jumysshylary, ákimshilik salasyndaǵy qyzmetshiler, basshylar men memlekettik qyzmetshiler eń az suranysqa ıe bolmaq, – dep jazdy ekonomıs.
Jalpy, jaldamaly qyzmetkerlerge eń úlken suranys qoǵamdyq qyzmetter sektorynda (bilim berý, densaýlyq saqtaý, memlekettik basqarý) kútiledi, onda ol 248-den 641 myń adamǵa deıin nemese jıyntyq suranystyń 21-29%-yn quramaq.