Taǵy 12 sheteldik baıqaýshy akredıtasıadan ótti.
OSK múshesi Muhtar Tileýberdiniń aıtýynsha, Ortalyq saılaý komısıasy halyqaralyq baıqaý ınstıtýty ashylǵannan beri 3 el men 2 halyqaralyq uıymnan 62 baıqaýshyny akredıtasıadan ótkizdi, dep habarlaıdy Almaty-akshamy.kz
"13 aqpandaǵy jaǵdaı boıynsha, Ortalyq saılaý komısıasyna syrtqy ister mınıstrliginen 3 shet memleket pen 2 halyqaralyq uıymnan 12 baıqaýshyny akredıtasıadan ótkizý usynyldy", - dedi ol Ortalyq saılaý komısıasynyń kezekti otyrysynda.
Atap aıtqanda, Koreıa Respýblıkasynan 1 baıqaýshy, Qyrǵyzstannan 1 baıqaýshy jáne Taıland koróldiginen 1 baıqaýshy, sondaı-aq TMD baıqaýshylar mısıasynan 7 baıqaýshy, al Saılaýdy baıqaý jónindegi EQYU/DIAQB mısıasynan 2 baıqaýshyny tirkeý usynylǵan.
Sondaı-aq buǵan deıin Májilis saılaýyn baqylaýǵa akkredıttelgen Demokratıalyq ınstıtýttar jáne adam quqyqtary jónindegi búrosy mısıasynyń eki múshesi saılaýǵa qatysa almaıtyny týraly nota jibergen.
Osyǵan baılanysty DIAQB mısıasynyń eki baıqaýshysynyń tirkeýi keri qaıtaryldy.