Sharýalar ótken jyly «Qoldau» platformasy kezinen qalyp qoıǵan 5 mlrd teńgeden astam ınvestısıalyq sýbsıdıadan qaǵylǵan.
Bul týraly Aýyl sharýashylyǵy mınıstrligi habarlady. Sondaı-aq, jańa aqparattyq platformanyń jumysy túsindirildi, dep habarlaıdy Almaty-akshamy.kz Qazaqstan.tv saıtyna silteme jasap.
Budan bylaı, kez kelgen azamat gosagro.kz júıesine kirý arqyly fermerlerge qandaı somaǵa sýbsıdıa berilgenin kóre alady. Egis alqaby kólemin jaı ǵana ólshep, shekarasyn qolmen syzýǵa da múmkindik joq. Naqty qansha gektar jer bar ekenin ǵaryshtyq monıtorıń anyqtaıdy. Burynǵy «Qoldau» júıesinde jerdi ıgerýde durys aqparat kórsetilmegen. Iaǵnı fermer engizgen egistik kartalaryndaǵy jerler is júzinde ıgerilmegen.
«Búkil aýyl sharýashylyǵy basqarmalarynyń sýbsıdıa qaryzy 25 mlrd teńgeden asty. Qazir sonyń 18 mlrd teńgesi tólendi. 2022 jyly fermerlerge 25 mlrd teńgeniń ınvestısıalyq sýbsıdıasy tólenbegen bolsa, qazir sonyń 18 mlrd teńgesi jabylǵan. Sondaı 5-7 mlrd teńgeniń tóńireginde sýbsıdıa tólenýi kerek», - deıdi QR ASHM memlekettik kórsetiletin qazymetterdi damytý jáne AÓK sıfrlandyrý departamentiniń dırektory Bernat Alpysbekov.