Flmatynyń bilim berý salasyna tıimdi sheteldik ınovasıalyq tájirıbeni engizý úshin byltyr 207 dırektor, mektep, balabaqsha dırektory men orynbasary jáne bilim berý júıesiniń pedagogtary Ulybrıtanıada, Shvesıada, Fınlándıada, Estonıada, Sıngapýrda, Japonıada, Reseıde sheteldik taǵylymdamadan, al el ishinde 5700-den astam adam taǵylymdamadan ótti. Bul týraly qala ákimi Erbolat Dosaev «Digital Kazakhstan: jańa zamandaǵy bilim berý» atty pedagogtardyń qalalyq tamyz samıti barysynda habarlady.
Onyń aıtýynsha, sheteldik ınovasıalyq tájirıbe negizinde Almaty pedagogtary mektepter úshin 117 baǵdarlama men joba jáne balabaqshalar úshin 35 joba ázirledi.
«Muǵalim bilim berýdegi negizgi býyn bolyp qala beredi, sondyqtan muǵalimderdi qoldaý basty basymdyq», – dedi Erbolat Dosaev.
Aıta keteıik, Almatyda 2024-2025 oqý jylynyń qarsańynda «Digital Kazakhstan: jańa zamandaǵy bilim berý» taqyrybynda pedagogtardyń qalalyq tamyz samıti ótip jatyr.